VOV4.K’ho- Ồng Cil Ha Kròng, cau K’ho ơm tàm xã tiah sar lơgar ngài Liêng Srô`, kơnhoàl Dam Rong, càr Lâm Đồng dê là dùl nă cau kra [òn pơnrơ. Ồng là cau bơh sơnrờp rồ ù lơh sre bơh ù bo\ bil, kung là cau sơnrờp lam tam kơphê tàm sươn mìr. Làng bol tàm thôn, tàm xã cau lơi kung kờ` gơboh, sền ki ngàm ồng Cil Ha Kròng, tài bơh ồng sùm jơh nùs ngan dong kờl jơh tơl nă cau bơh broă lơh sa bơtàu tơnguh rài kis, tă pơgồp ngai lơh broă, tă pơgồp bal pràn bơ\t bơtàu thôn, [òn.

Deh mờ dờng tàm xã Dà Dờng, kơnhoàl Lâm Hà, càr Lâm Đồng, nam 1986, ồng Cil Ha Kròng bau mờ rê ơm kis tàm thôn 3, xã Liêng Srô`, kơnhoàl Dam Rong, càr Lâm Đồng. Là cau tơryăng tơryồng lơh sa, ờ go\ rơngòt bòl glar kal ke broă [òn [òn, broă thôn, den tàng ồng geh pồ lơh kuang ătbồ thôn mờ tus bal lơh broă tàm Mpồl đơng lam Mpồl Cau lơh broă sa xã dê. Nam 2012, ồng geh làng bol pin dờn mờ pồ lơh cau kra [òn thôn 3 tus tu\ do.

Tu\ pa bau jăt pơ ùr rê ơm kis tàm xã Liênh Srô`, kơnhoàl Dam Rong, ồng Cil Ha Kròng sền go\ làng bol tàm tiah do mìng gi\t lơh mìr lơm, priă lơh geh dùl êt ngan, ờ go\ tơl phan sa. Ồng sơnđờm rồ ù bo\ bềng lơm nhơ\t chi che hòn lềng gơ gơs là [làng sre lơh kòi. Sền go\ ồng lơh gơtùi, làng bol tàm thôn sơnđờm đòm jăt mờ lơh bal. Bơh tu\ gi\t lơh sre, rài kis làng bol tàm thôn 3 do dê ờ gam gơtìp jơgloh tai tàm nhai puh pah.

Tu\ neh geh tơl phe sa, ồng Cil Ha Kròng kơlôi tus broă bơcri priă tam tờm kơphê. Ồng sùm kơlôi sơnơng, lơh bè lơi nàng tam kơphê gơ in niam, ai cồng nha lơh sa uă. Ồng neh hòi jà làng bol tam klăc bal, 3, 4 hìu bơnhă crơng gơs dùl mpồl nàng bal mờ gơ\p tàm dong kờl bal tàm broă lơh sa, bal mờ gơ\p lùp bơsram tam pà bal bơta mờng chài. Tus tu\ do, hìu bơnhă ồng Cil Ha Kròng neh geh 10 lồ ù lơh kơphê.

Ồng Cil Ha Kròng đơs bè do: Lài do, hìu bơnhă a` tam kơphê ờ hềt gi\t đòm jăt bơta jak chài pa. Tơnơ\ do, să tờm a` gơlơh pin dờn ngan lơh ngan lòt jòi lùp bơsram mờ neh bơsram geh bơta chài đòm jăt tàm broă sơngka sền gàr. Bè tờ bơtô tam kơphê den pal lơh di tơl khà là pal ơnàng 60, jòng 60, mờ jrô 70 phơng. Bè broă tuh dà, ơn phơng kơphê in là pah nam pal ơn tam pà gơs 3 dơ\. Ù tiah tàm do, phơng ơn niam ngan rlau jơh là phơng đơn lân, ka li mờ u rê tơnơ\ hơ\ he klài bơrlu\ bal gơ. Mìng is phơng NPK den dilah blơi di phơng ngan den ơn kơphê in niam ngan, mơya phơng NPK geh uă ngan bơta phơng pơrlồm, phơng ờ ngan, ờ gi\t loh anih lơh, den tàng làng bol pal kơrhia mờ rcăng ngan, pleh gơtìp blơi phơng ờ ngan.

Bal mờ 10 lồ ù lơh kơphê, tàm hơ\ kơphê neh ai sa là 6 lồ, pah nam hìu bơnhă ồng Ha Kròng lơh geh rlau 25 tấn. Bal mờ ală bơnah priă lơh geh bơh broă ròng phan, tam phan, pah nam hìu bơnhă ồng lơh geh mờr 1 tơmàn đong. Kờp bal pah nam, hìu bơnhă ồng lơh geh 3 tấn kòi, ờ go\ di mìng geh tơl kòi sa lơm, mờ hìu bơnhă ồng gam ai ală hìu bơnhă ờ tơl phe sa in. Priă tăc kơphê, hìu bơnhă ồng kung ai ală hìu bơnhă ờ tơl priă lơh sa in càn mờ ờ go\ sa priă cồng nàng bơcri tàm broă lơh sa.

Ồng Cil Ha Kròng, đơs: Hìu bơnhă a` gam pà làng bol lèng càn priă jền ờ go\ sa priă cồng nàng làng bol geh priă lơh sa, bơcri bơtàu tơnguh lơh sa halà blơi măy mok nàng lơh sa. Làng bol ai càn uă den bơcri blơi măy mok [ồm dà tuh kơphê in, ai càn dùl êt den làng bol blơi phơng ơn kơphê, ơn sre kòi in. Tàm bơta geh bơh hìu bơnhă a` dê den a` ndrờm ai jồm lèng lơm.

Ồng Cil Ha Kròng gam jơh nùs ngan tus bal lơh broă mpồl bơtiàn, geh làng bol pin dờn pồ lơh Kuang ătbồ thôn mờ lơh broă tàm Mpồl đơng lam Mpồl cau lơh broă sa xã Liênh Srô`, kơnhoàl Dam Rong, càr Lâm Đồng, mờ tu\ do, là cau kra [òn thôn 3. Ồng Kră Ja` Ha Blah, Kuang ătbồ thôn 3, xã Liêng Srô`, kơnhoàl Dam Rong, càr Lâm Đồng pà gi\t: thôn tu\ do geh 170 hìu bơnhă làng bol, tàm hơ\ làng bol kòn cau K’ho là 130 hìu, jơh ală ndrờm neh geh rài kis tơl ngui tơl sa, kơ\ kơl jăp, mìng gam wơl 10 hìu bơnhă r[ah lơm. Bơta lơngăp lơngai ờdo ờdă tàm thôn sùm geh sền gàr niam ngan, ờ geh jơnau ờ niam mpồl bơtiàn, làng bol sùm tam klăc bal, tàm dong kờl bal ngai sơlơ bơtàu tơnguh tai.

Ồng Kră Ja` Ha Blah, đơs nền cồng nha do, geh bơta tă pơgồp uă ngan bơh ồng Cil Ha Kròng, cau kra [òn bơh thôn 3 dê: Ồng là dùl nă cau kra [òn geh làng bol tàm [òn pin dờn ngan. Ồng kis gơ tàm sòr bal ngan mờ làng bol gơ\p [òn, sùm lơh geh bơta tam klăc tàm làng bol [òn lơgar, lơh krơh lam lài tàm jơh ală broă ồng hơ\ lơh, kung bè tàm jơm tàm glòm bal làng bol [òn lơgar tàm thôn do đơs is mờ jơh bal xã Liênh Srô` do đơs bal.

Ồng là dùl nă cau lơh sa kă bro jak tiơng pơnrơ bơh xã dê. Ồng ờ go\ di mìng là cau kra [òn geh bơngă pin dờn lơm mờ ồng gam là cau geh gơnoar broă tai tàm mpồl duh broă cau kra [òn thôn dê, jơh ală broă thôn, [òn dê, bơh bơsong tam pìt ù tam phà tus gàr kơ\ bơta lơngăp lơngai gơlik geh tàm thôn, ồng ndrờm lơh niam lơm.

Ồng Trần Văn Nguyên, Phó Kuang ătbồ Phòng Kòn cau kơnhoàl Dam Rong, càr Lâm Đồng dê den đơs bè ồng Cil Ha Kròng bè do: Ồng Cil Ha Kròng là cau geh cồng nha pơnrơ ngan tàm ală broă, bè lơh sa bơto pơlam làng bol, dong làng bol tàm broă lơh sa tàm thôn, [òn. Tàm broă mpồl bơtiàn, bal mờ gơnoar broă là cau ătbồ mpồl tam klăc bal tơr`a bơyai nàng lơh geh bơta tam klăc bal, tàm kờ` gơboh bal đah ală làng bol bal mờ gơ\p, ơm kis đềt mềr wơl sơlơ tơnguh bơta tam klăc bal đah ală jơi bơtiàn kòn cau bal mờ gơ\p.

Tàm broă lơngăp lơngai rơndăp tăp sèng ờdo ờdă tàm tiah làng bol kòn cau, den ồng Cil Ha Kròng geh gơnoar broă là cau hòi jà làng bol tus bal ală srơh gàr kơ\ bơta lơngăp lơngai rơndăp tăp sèng ờdo ờdă tàm tiah làng bol kòn cau. Hơ\ là ală bơta mờ cau ătbồ lơh broă tàm tiah làng bol kòn cau tàm kơnhoàl den sền go\ tàm ồng Cil Ha Kròng ală bơta pơnrơ niam bè hơ\.

Cau cih K’Brọp- Cau mblàng Lơ Mu K’Yến