VOV4.K’ho- Rê wơl mờ rài kis ờs mờng, ồng Lê Trọng Tùng dùl nă cau ling yau sùm tơngo\ gơnoar broă lam lài tàm broă lơh sa, jơh nùs tus bal tàm ală srơh bơh tiah ơm kis dê. Ồng là krơh àng pơnrơ tàm srơh tàm pơrlòng “Cau ling yau lơh krơh lam lài” tàm thị trấn Kiến Đức, kơnhoàl Dăk R’lấp, càr Dăk Nông.

Nam 1983, klau pơnu sơnđan măt là Lê Trọng Tùng ơm tàm càr Thanh Hoá lòt gùng lơh broă ling klàng tu\ rơ\p pa tòm 19 sơnam, lơh jăt kơnòl broă dunia tàm lơgar gơ\p bơyô Campuchia. Tus nam 1986, ồng rê bơh mpồl ling mờ rwah Dăk Nông lơh tiah ơm kis lơh sa, tơngơs hìu bơnhă bơh he dê tàm nam 1987.

Bal mờ nùs nhơm khin kơlôi khin lơh, kong bòl glar kal ke, tơryăng tơryồng, ồng Lê Trọng Tùng geh gi\t là dùl nă cau ling cau lơh sa, kă bro jak bơh thị trấn Kiến Đức, kơnhoàl Dăk R’lấp, càr Dăk Nông dê. Tu\ do, priă lơh geh bơh hìu bơnhă ồng dê lơh geh pơgăp 1 tơmàn đong pah nam, bơh broă lơh kơphê, ròng jơrke, apah cơldu\ ơm, kă bro phan lơh hìu đam.

Ờ go\ di mìng lơh pas ai hìu bơnhă in lơm, ồng Lê Trọng Tùng gam ai broă lơh ai gi\t nđờ jơ\t nă cau lơh broă tàm do in. Ồng Lê Trọng Tùng yal: Tơngai sơnrờp kal ke ngan, mu\t lơh sa tàm do den tàm tơngai hơ\ kung gam pơnu să sơl den mìng bàr nơm mpàng tê soh lơm mu\t tàm do, lòt lơh broă apah nàng gơtùi kis gan pah ngai. Sơrlèt rlau dùl tu\ tơngai den tu\ do lơh sa hìu bơnhă dê kung geh đau sơl. Bơdìh mờ broă lơh mpồl bơtiàn den a` kung tus bal dùl anih lơh broă dong kờl cau nàng dong kờl ai 1 nă cau gơtìp kue\t kơltê să jan in, pah nhai dong bơh 100 rbô tus 500 rbô đong, gơ jăt tàm bơta mờ he geh.

Cau ling yau ồng Lê Trọng Tùng ròng jơrke nàng lơh geh tai priă jền

Ồng Hồ Vươn Lên ơm tàm tổ dân phố 5, thị trấn Kiến Đức là dùl tàm khà ală cau geh rài kis kal ke dờp geh bơta dong kờl bơh ồng Lê Trọng Tùng dê. Hìu bơnhă neh geh ồng Tùng dong kờl 1 nơm kơnrồ me mờ dong kờl phan bơna, pơndờm pơnđiang lơh ngan sơrlèt bơh bơta r[ah. Ồng Hồ Vươn Lên, đơs: A` bơh tiah ring đah jum dà lơgar lòt tus ndo nàng lơh broă apah, bi Tùng kung go\ sơl hìu bơnhă a` jơgloh r[ah ngan den tàng bi hơ\ đơs tu\ do ai pà dùl nơm kơnrồ nàng ròng nàng geh tai priă jền. Trồ ngai den a` lòt lơh broă apah cau in, mho mang rê den koh nhơ\t tơn siam kơnrồ in, bơh hơ\ tus tu\ do den kung tăc geh 2 nơm kơnrồ kòn sơl, dùl nơm tăc geh 8 tơlak đong, 1 nơm tăc geh 10 tơlak đong, tu\ do rài kis neh ờ huan kal ke rlau mờ lài uă ngan.

Jăt ồng Đào Trọng Thủy, Chủ tịch Mpồl cau ling yau thị trấn Kiến Đức, kơnhoàl Dăk R’lấp yal, bal mờ broă lơh sa jak, dong kờl ală cau geh rài kis kal ke tàm do, ồng Lê Trọng Tùng gam lơh krơh lam lài tus bal tàm ală broă lơh, srơh bơh mpồl cau ling yau dê lam lơh. Bè là jơh nùs ngan mblàng yal, hòi jà làng bol lơh jăt niam ală jơnau sồr, gùng dà broă lơh bơh Đảng dê, kơrnoat boh lam Dà lơgar dê; tus bal geh cồng nha ngan tàm broă tơr`a bơyai, bơsong ală broă kal ke tàm [òn lơgar. Ồng Đào Trọng Thủy đơs, ồng Lê Trọng Tùng neh pơgồp bơnah ai srơh Mpồl cau ling yau thị trấn Kiến Đức dê ngai sơlơ bơtàu tơnguh, mờ gơ lòt mu\t jrô ngan ngồn tàm rài kis.

Ồng Đào Trọng Thủy đơs bè do: Mpồl cau ling yau bol a` geh bi Lê Trọng Tùng, bi hơ\ jơh nùs ngan tus bal ală srơh bơh [òn lơgar dê, là cau geh broă lơh duh hồl ngan tàm jơh ală broă, kuơmàng là tàm broă lơh sa kă bro, lơh gơlik broă lơh broă sa ai oh mi tàm mpồl in tàm tiah ơm kis, krơh hơ\ là krơh pơnrơ, tơngo\ àng sơrdah ngan nùs nhơm bồ tơngoh cau ling Wa Hồ dê tàm broă lơh pa kung bè tàm rài kis ờs mờng pah ngai.

Ồng Lê Trọng Tùng dong kờl kơnrồ me ai hìu bơnhă ồng Hồ Vươn Lên in klàs bơh r[ah

Bal mờ uă tă pơgồp ai bơta bơtàu tơnguh bơh [òn lơgar in, ală nam do, cau ling yau Lê Trọng Tùng geh ală kấp, ală gah pà uă ngan sră jờng rơ. Ồng là krơh àng nàng kuang bàng, cau tàm mpồl bal mờ làng bol thị trấn Kiến Đức bơsram mờ lơh jăt.

Cau cih Hoàng Qui- Cau mblàng Lơ Mu K’Yến