VOV4.K’ho- Tàm dơ\ tus bal dơ\ bơyai lơh guh at bơtau bơh Cau bơtau lơgar Nhờk dê ồng Naruhito, ồng Nguyễn Xuân Phúc Thủ tướng Chính phủ neh tìp mat 2 gah mờ ồng Andrei Babis Thủ tướng lơgar Czech, ồng Rumen Radev Kuang atbồ lơgar Bulgaria mờ ồng Ilir Meta Kuang atbồ lơgar Albania. Thủ tướng Nguyễn Xuân Phúc neh cribơyai mờ ală kuang đơng lam bồ bè ală broă lơh ai bơta gi\t gơ\p đah Việt Nam mờ ală lơgar gơ lòt mu\t ngan ngồn, geh kuơ ngan ngồn, wèt tus tơngkah kir sơnrai 70 nam ngai lơh bơta gi\t gơp lơh broă bal mờ jơh bal 3 lơgar tàm nam 2020 tus.

Kuang đơng lam bồ 3 lơgar ndrờm tơlik nùs nhơm ki ngàm ngan tềng đăp ală cồng nha bơtàu tơnguh lơh sa mờ mu\t gơrờm bal mờ dunia bơh Việt Nam dê, dùl nùs ring bal pal ngui niam bơta pin dờn mờ nùs nhơm lơh bơyô bal đah Việt Nam mờ ală lơgar nàng tơnguh bơta gi\t gơ\p đah 2 lơgar.

Ală kuang bàng đơng lam bồ cribơyai bè ală broă lơh tơnguh lơh broă bal mờ Việt Nam tàm ală dơ\ pơrjum tàm dunia, tàm tiah do, ngan là tu\ Việt Nam lơh Kuang atbồ ASEAN mờ lơgar geh jơng ờ duh broă sùm tàm Hội đồng Bảo an Liên hợp quốc tơngai lơh broă bơh nam 2020- 2021, mơkung đơs sùm bơta kuơmàng bơh broă sền gàr bơta ring lơngai, kơ\ kơl jăp, lơngăp lơngai, ờdo ờdă gùng dà lềng tàm dà lềng đah mat tơngai lik, dùl nùs bal mờ broă bơsong tam pìt tam phà bơh broă lơh ring lơngai, dipal mờ adat boh lam dunia dê.

Cau mblàng Lơ Mu K’Yến