VOV4.K’ho- Ngai 25/2, tàm Hà Nội, Bộ Kuang àng bơyai lơh Pơrjum tàm jàu broă lơh sền swì broă gơlik geh, cồng nha broă lơh Kuang àng nhai 2 nam 2020, đơng lam lơh jăt ală kơnòl broă tờm nhai 3 nam 2020.

Ồng Tô Lâm, Bộ trưởng Bộ Kuang àng đơng lam Pơrjum lam lơh jăt broă lơh Kuang àng nhai 3

Đại tướng ồng Tô Lâm, Ủy viên Bộ Chính trị, Bộ trưởng Bộ Kuang àng neh đơng lam pơrjum. Tàm nhai 2, mpồl kuang àng tam dră, kơryan geh cồng nha mờ jơnau jòi kai, broă lơh bơh ală mpồl cau gơjra` kơuềng, pơrlơ\ dră mờ dà lơgar; lam lơh jăt niam, krà` cê jơh nùs ală broă lơh rcăng sơndră kòp, pơgồp bơnah kuơmàng tàm broă lơh rcăng lài, kơryan kòp Covid-19.

Pơndu\t pơrjum, Bộ trưởng ồng Tô Lâm sồr Kuang àng ală anih, ală tiah pơn jăt tai lam lơh jăt broă rơndăp lơh gàr niam ờdo ờdă ngan bơta lơngăp lơngai ală dơ\ pơrjum kấp dà lơgar, kấp dunia tàm nam Chủ tịch ASEAN 2020, ală jơnau kờ` tờm, broă lơh bơh kuang bàng đơng lam Đảng, Dà lơgar, ală mpồl cau năc dunia; gàr niam bơta lơngăp lơngai chính trị tàm dơlam is, lơngăp lơngai lơh sa, sền gàr ndơ\p ndơr dà lơgar, lơngăp lơngai internet. Mơkung gàr niam ală bơta pal geh nàng mu\t lơh Pơrjum dờng Đảng bộ ală kấp, wèt tus Pơrjum dờng cau ala măt gùt lơgar dơ\ 13 bơh Đảng dê.

Cau mblàng Lơ Mu K’Yến