VOV4.K’ho – Pơn jat tai dơ\ lòt lơh broă tàm Tây Nguyên, mho òr 9/8, Thường trực Ban Bí thư Đảng dà lơgar, ồng Trần Quốc Vượng bal mờ mpồl kuang bàng neh lơh broă mờ Ban Thường vụ Tỉnh ủy Dak Nông. Đơs niam broă lơh ngan bơh càr dê tàm broă bơtàu tơnguh lơh sa mpồl bơtiàn, sền gàr kơ\ lơngap lơngai, ờ do ờ dă. Nam lài, càr neh tă dia geh rlau 2 rbô 370 tơmàn priă, sơr lèt rlau mờ khà ai tơlik. Ồng kung neh đơs ală kal ke, bơta lòng bơh càr Dak Nông dê. Tàm hơ\, 3 broă lơh pal lơh ngan jơh nùs là: Gơguh lơh sa, GDP kờp bal tàm dùl nă cau mờ khà jơm glòm brê pal hời rơ hời geh tơnguh.

Dak Nông pal pơn jat tai lam lơh 3 tơngume tờm bơtàu tơnguh lơh sa mpồl bơtiàn, geh: công nghiệp tơnhàu Bôxit- trà, luyện kim; lơh sa suơn sre ngui công nghệ cao; phan bơna nhơl chờ geh pơn rơ. Bè broă lơh bơt bơtàu Đảng, ồng Trần Quốc Vượng sồr càr Dak Nông pơn jat tai sơlơ tơnguh broă đơng lam, pơlam “Chồl pràn broă bơsram mờ lơh jat krơh niam, rài kis Bác Hồ dê”. Lơh jat ngan ngồn ală nghị quyết dà lơgar dê, lam lơh uă broă lơh nàng kờ` pơgồp bơnah lơh gơlik bơta tam gơl niam tàm broă lơh bơt bơtàu Đảng.

Cau mblàng K’Duẩn