VOV4.K’ho – Tàm hìu lơh broă Đảng dà lơgar, ồng Trần Quốc Vượng, Ủy viên Bộ Chính trị, Thường trực Ban Bí thư neh wă Mpồl kuang bàng Đảng at gơnoar Mpồl tam klac làng bol lơgar Hungary, bơh mò Novak Katalin, Phó Chủ tịch Đảng lam bồ gam ơm còp mờ lơh broă tàm lơgar Việt Nam. Ồng Trần Quốc Vượng đơs nền, git gơp lơh bơyô ờs mờng mờ lơh broă bal tơl làm đah Việt Nam mờ Hungary, kuơmàng là git gơp đah 2 Đảng at gơnoar gam tàm bơta bơtàu tơnguh niam bơne\ tàm ală nam rềp ndo, sồr Chính phủ 2 lơgar pơgồp bal bơyai lơh niam ală broă lơh tơngkah 70 nam ngai crơng gơs git gơp lơh broă bal tàm nam 2020.

Ồng Trần Quốc Vượng đơs niam gơnoar broă, bơngă bơh Đảng tam klac bal làng bol lơgar Hungary dê mờ đơs là, 2 Đảng pal sơlơ tơnguh cribơyai broă kấp kuangbàng dờng màng, lơh jat niam jơnau ring bal lơh broă bal neh ki\, tàm yal jơnau, tam pà mờng chài lơh broă, cribơyai bè ală broă geh pơn rơ tà, git gơp đah 2 Đảng, 2 lơgar nàng kờ` lơh gơlik bơnàng jă chính trị ngai sơlơ pin dờn rlau, ai tơlik gùng dà broă lơh bơtàu tơnguh git gơp đah 2 lơgar tàm tơngai tơ nơ\ do.

Cau mblàng K’Duẩn