VOV4.K’ho- Mho ngai 20/8 tàm hìu duh broă Chính phủ dê, ồng Vũ Đức Đam Phó Thủ tướng Chính phủ mơkung là Kuang ătbồ Mpồl đơng lam dà lơgar rcăng sơndră kòp Covid-19 đơng lam dơ\ pơrjum lam lơh ală broă lơh rcăng sơndră kòp. Gơrềng tus bơta kòp bơtờp tàm Đà Nẵng mờ Quảng Nam, Bộ Y tế pà gi\t, tu\ do tiah gơbàn kòp tàm tiah tàm gùl lơgar neh geh gròi sền.

Mơya, tàm ală ngai tus digơlan kung gam pơn jăt tai geh tai ală cau kòp bơtờp pa tài bơh lài hơ\ sền go\ cau bơtờp kòp bơh sơnrờp jơla den tàng ờ gơtùi pleh klàs bơta lơh bơtờp ờm tus tàm mpồl bơtiàn. Gơ wèt mờ tiah gơbàn kòp tàm Hải Dương neh geh gròi sền mìng tơnơ\ 1 poh càr Hải Dương lam lơh ală broă lơh kuơmàng bal mờ bơta dong kờl sơrbac mhar bơh Bộ Y tế dê.

Bè bơta lơh gơlik sơnơm vaccine rcăng sơndră kòp Covid-19, ồng Vũ Đức Đam Phó Thủ tướng Chính phủ neh sồr gah lơh sơnơm bal mờ broă lơh pràn kơlôi sơnơng, lơh gơlik tàm lơgar, pal pơgồp bal mờ ală bộ, ală gah geh gơrềng bal nàng gờ` geh sơnơm vaccine bơh lơgar ndai.

Cau mblàng Lơ Mu K’Yến