VOV4.K’ho- Tàm Hìu duh broă Chính phủ dê, ồng Vũ Đức Đam Phó Thủ tướng Chính phủ Kuang ătbồ Mpồl đơng lam dà lơgar rcăng sơndră kòp Covid-19 đơng lam dơ\ pơrjum bè broă lơh rcăng sơndră bơta lơh bơtờp bơh kòp Covid-19 dê.

Tàm dơ\ pơrjum, ală kuang bàng Mpồl đơng lam neh cribơyai, mblàng sền, sền swì broă kòp gơlik geh tàm châu Âu; broă lơh gròi sền kòp bơtờp tàm ală mpồng nhàr lơgar; broă ătbồ cau lik mu\t tàm lơgar; bơyai lơh tam cah is cau bơh tiah geh kòp mu\t tàm Việt Nam; gròi sền tiah nhàr lơgar; gròi sền, sền go\ cau kòp tàm mpồl bơtiàn; broă lơh rcăng tàm ală bộ, ngành nàng rcăng sơndră wơl mờ ală jơnau digơlan gơlik geh pa; ai par wơl bàr pe gùng par dunia.

Phó Thủ tướng ồng Vũ Đức Đam sồr, ală mpồl cau tơrgùm sền go\ mhar ngan rlau jơh bơta gơdram kòp mờ ală cau ơm rềp mờ tiah gơdram kòp, tam cah is dong kờl kham sơm kòp di tu\ ờ go\ di lời lơh bơtờp. Mơkung hòi jà làng bol lơh jăt niam, yal tơngi\t jơnau tus dong kờl kham sơm kòp ală cau geh pơhìn lơh bơtờp mhar ngan rlau jơh.

Cau mblàng Lơ Mu K’Yến