VOV4.K’ho- Mho ngai 18/11, tàm Hìu duh broă Chính phủ dê, ồng Vương Đình Huệ Phó Thủ tướng Chính phủ neh wa\ rò ồng Takebe Tsutomu, Kuang pơlam broă dờng màng Mpồl tam klac bal Nghị sĩ Nhờk mờ Việt Nam gam còp mờ lơh broă tàm Việt Nam.

Yal mờ ồng Vương Đình Huệ in, ồng Takebe Tsutomu pà gi\t, tơngai tus, digơlan geh 1 rbô nă cau ala mat là kuang bàng Quốc hội, Chính phủ mờ mpồl lơh sa kă bro lơgar Nhờk dê bơh Kuang ătbồ Mpồl cau gơnoar cih Đảng làng bol lơh tờm khăt gơboh, Kuang ătbồ Mpồl tam klac bal Nghị sĩ gi\t gơ\p lơh bơyô bal Nhờk mờ Việt Nam là ồng Nikai Toshihiro lam bồ lòt còp mờ tìp mat mờ ală anih lơh broă bơh Chính phủ, Quốc hội mờ ală mpồl lơh sa kă bro lơgar Việt Nam dê tàm Đà Nẵng. Do là tu\ nàng 2 gah sơlơ tam klăc rlau tai bơta gi\t gơ\p đah 2 dà lơgar.

Ồng Takebe Tsutomu ràng tơlik nùs nhơm kơ\p kờ` Chính phủ Việt Nam ai tơl bơta nàng lơh rơndăp broă lơh bơcri priă lơh hìu bơsram Đại học Việt Nam mờ Nhờk, pơgồp bơnah tơnguh tai bơta gi\t gơ\p lơh broă bal tàm gah bơto bơtê đah 2 dà lơgar dê.

Cau mblàng Lơ Mu K’Yến