VOV4.K’ho – Broă lơh “Sòl àng gùng lòt [òn lơgar” bơh ơruh pơnu càr Dak Lak lam lơh là dùl tàm 50 broă lơh geh pơn rơ bơh ơruh pơnu gùt lơgar dê tơngkah 50 nam lơh jat Jơnau nting bơr lời wơl bơh Chủ tịch Hồ Chí Minh dê. Broă lơh do cèng bơta kuơ bè mpồl bơtìan ngan ngồn, lơh gơlik srơh pràn kơldang tàm đoàn viên ơruh pơnu Dak Lak, brồ guh nùs nhơm lam lài lơh broă dong kờl is tài rài kis mpồl bơtìan, pơ gồp bơnah bơt bơtàu [òn lơgar pa.

Àng drim gờ`, tàm gơl gùng tềng đap [làng coh plai thôn 3, xã Ea Bhôk, kơnhòal Cư Kui` gal cau bè ngai lơh chờ tơn, sap đơs, sap chờ nggồr nggàc ngan. Ngai do, đoàn ơruh pơnu kong ti ồs đèng Dak Lak bal mờ mpồl ơruh pơnu tàm [òn lơgar bal mờ làng bol crap gùng che đèng mờ [ong đèng sòl àng gùng lòt [òn lơgar, jòng mờr 1 rbô 500 thơk. Kuang bàng, công nhân kỹ thuật den tơrbo\ gùng che đèng, crap phan bơn, [ong đèng; ơruh pơnu tàm [òn lơgar bal mờ làng bol den pès wàs, koh ntê chi, jì nhơt ru\ rơm kềng gah gùng. Ờ go\ pơlai pal kơl sang ală ntê tờm bơ gơ cat hờ gùng ccèng, ồng Nguyễn Văn Thịnh đơs:

“Làng bol bol a` chờ hờp ngan tu\ geh đèng gùng làng bol in lòt rê. Bol a` ơm tàm do lòt rê sùm pah ngai, lòt hìu jum, hơ\ sồng lòt `ô bau, ies [ồc… geh đèng sòl àng gùng lòt den [uơn ngan, lòt rê ờ do ờ dă. Den tàng làng bol cau lơi kung jơh nùs lơm tus bal”.

Lơh gùng che đèng tàm thôn 2, xã Ea Tiêu

Phạm Thanh Tá, atbồ thôn 3, xã Ea Bhôk, kơnhòal Cư Kui` pà git, mờ bơta dong kờl bơh gah ồs dèng, bơta dùl nùs bal pơgồp bơta pràn bơh làng bol dê, tus tu\ do, jơh ală gơl gùng lòt gan 6 tổ liên gia tàm thôn 3 ndrờm neh geh đèng sòl àng lơm. Làng bol tàm tơngkah bal mờ gơp là pal git sền gàr nàng gùng che đèng do in gơtùi lơh geh cồng nha:

“Đơs bal là muh mat [òn lơgar dê tam gơl tơn, dong làng bol in [uơn [uaì tàm rài kis, pơgồp bơnah gàr kơ\ ring lơngai tàm [òn lơgar. Jơnau git wă sền gàr bơh làng bol dê den niam ngan, pơn yơu bè sùm pès wàs nhơt ru\ rơm, koh ntê cho, hơ\ sồng sền gàr phan bơna bơh ală gùng đèng dê tai. Ờ mìng 2 gơl gùng đèng sòl àng geh crap tàm àng drim do, mờ kờp bal mờ ală gùng đèng làng bol lơh is, đơs bal là priă đèng làng bol tong wil tơl jơh, khi tong 1 nam halà 6 nhai, hơ\ sồng jat tàm sră yal priă đèng ngui den lồi nam ală mpồl lơh broă nàng tơm priă đèng mờ làng bol”.

Gùng che đèng sòl àng gùng lòt tàm thôn 3, xã Ea Bhôk, kơnhòal Cư Kui` là broă lơh “Sòl àng gùng lòt [òn lơgar” dơ\ 7mờ đoàn viên ơruh pơnu kong ti ồs đèng Dak Lak lơh tàm nam 2019 do. Bi Hoàng Xuân Tứ, Phó Bí thư đoàn kong ti ồs đèng Dak Lak pà git, kờp du\ tàm nhai tus, đoàn ơruh pơnu kong ti ồs đèng Dak Lak geh pơn jat tai lơh tai 2 broă lơh tai. Mờ tơl kòi sồ gùng đèng sòl àng, mpồl dong kờl uă ngan rlau jơh là 30 tơlak priă. Gah ồs đèng geh lòt sền ngan ngồn, bơceh lơh, bal mờ ơruh pơnu, làng bol lam lơh, gàr niam ală gơl gùng đèng sòl àng gơtùi brồ guh bơta pràn bơceh lơh, tềm pềr ồs đèng, tềm pềr priă jền tu\ ngui kung bè bơta niam tiah kis dê.

Lơh gùng che đèng tàm thôn 3, xã Ea Tiêu

Bi Hoàng Xuân Tứ yal, broă lam lơh ală broă lơh sòl àng gùng lòt [òn lơgar bơdìh mờ bơta kuơ pơgồp bơnah dong làng bol [uơn [uaì tàm broă lòt rê, gàr niam ờ do ờ dă gùng lòt, ring lơngai mpồl bơtìan; gam lơh gơlik bơta gơ rềng đềt mềr ngan đah Chi đoàn ồs đèng mờ ơruh pơnu tàm [òn lơgar tàm broă lam lơh ală broă lơh mpồl bơtìan; lam rùp să gah ồs đèng mờng chài, đềt mềr tus rềp rlau mờ cau ngui đèng: “Tàm tơngai tus den broă rơndap lơh bol a` dê là geh pơn jat tai lam lơh uă broă lơh sòl àng gùng lòt [òn lơgar tai. Mờ do kung là dùl bơta niam ngan nàng đoàn viên ơruh pơnu bol a` in geh bơta nàng lam lài, ơm rềp mờ [òn lơgar; dong đoàn viên ơruh pơnu brồ guh bơta kuơ bơh ală broă lơh lam lài, dong kờl is tài rài kis mpồl bơtìan”.

Ơruh pơnu tàm [òn lơgar bal mờ gah ồs đèng crap [ong đèng

Bi Trần Doãn Tới, Phó Chủ tịch Mpồl tam klac ơruh pơnu càr Dak Lak pà git, broă lơh “Sòl àng gùng lòt [òn lơgar” bơh ơruh pơnu càr Dak Lak lam lơh là 1 tàm 50 broă lơh geh pơn rơ bơh ơruh pơnu gùt lơgar dê tơngkah 50 nam lơh jat Jơnau nting bơr lời wơl bơh Chủ tịch Hồ Chí Minh dê. Tus nhai 10 do, ơruh pơnu gùt càr neh crap đèng sòl àng tàm 22 kơi sồ gùng lòt [òn lơgar, priă tă lơh rlau 600 tơlak, sơr lèt rlau mờ broă rơndap lơh neh ai tơlik. Ală broă lơh neh brồ guh cồng nha ờ mìng tàm khà kơi sồ gùng che đèng halà khà [ong đèng geh crap, mờ kuơmàng rlau jơh là bơta cih dờp bơh đah mpồl bơtìan, [òn lơgar dê, lơh gơlik bơta pràn pơn jờng ai ơruh pơnu Dak Lak in pơn jat tai lam lài bơt bơtàu [òn lơgar pa: “Cồng nha bơh broă lơh do dê tàm tơngai lài là neh lơh gơlik bơta gơ rềng, srơh broă lơh pràn ngan tàm đoàn viên ơruh pơnu. Neh geh uă ngan đoàn viên ơruh pơnu ală tiah cih mat dờp lơh uă broă lơh ndrờm bè do, nàng bal mờ làng bol pơgồp bơnah lam lơh geh cồng nha ală kơ nòl bơtàu tơnguh lơh sa mpồl bơtìan càr dê”.

Cau mblàng K’Duẩn