VOV4.K’ho – Drim òr (06/8), Ủy ban bè ală bơta mpồl bơtìan bơh Quốc hội dê bơyai lơh pơrjum bal, iat Bộ trưởng Bộ Lao động, Thương binh mờ Xã hội mờ ală bộ, gah broă lơh geh gơ rềng yal lơh loh bè kơnòl atbồ dà lơgar tàm broă lơh jat broă lơh, adat boh lam bè dong kờl mpồl bơtìan gơ wèt mờ cau dờng sơnam mờ cau kuet kơlte.

Tàm dơ\ pơrjum, Bộ trưởng Bộ Lao động, Thương binh mờ Xã hội, ồng Đào Ngọc Dung ring bal mờ jơnau đơs bơh ală kuang bàng dê bè broă tơnguh khà dong kờl mpồl bơtiàn gơwèt mờ cau dờng sơnam mờ cau kuet kơlte, lơh ngan gờ` ngan rlau jơh là tàm lồi nam do geh yal Chính phủ in sền broă do. Bộ trưởng kung ring bal broă pal tơmù sơnam cau dờng sơnam geh dờp bơta dong kờl bơh 80 sơnam bè tu\ do tơmù tus 75 sơnam.

Jat Bộ trưởng đơs, pal mhar kơlôi sơnơng, ai tơlik broă lơh dà lơgar bè cau dờng sơnam mờ broă rơndap lơh cau kuet kơlte, tơngai bơh nam 2021 tus nam 2030, tàm hơ\ geh ală broă lơh nàng rơcang sơndră mờ bơta kra khà kờp làng bol, bơtàu tơnguh gơnoar broă bơh cau dờng sơnam dê jat gùng dà broă lơh ai geh bơta [uơn nàng cau dờng sơnam gam jai lơh broă in geh tus bal lơh broă. Tu\ do gùt lơgar geh rlau 11 tơlak 300 brô nă cau dờng sơnam mờ 6 tơlak 200 nă cau kuet kơlte. Geh mờr 200 rbô nă cau dờng sơnam, cau kuet kơlte tu\ do gam geh ròng siam, sền gròi tàm ală anih dong kờl mpồl bơtiàn.

Cau mblàng K’Duẩn