VOV4.K’ho – Ngai òr (03/9), Tập đoàn Công nghiệp – Viễn thông ling klàng Viettel pà git, bơnah cước ờ geh khà pơn dut Ti5 bơh Bitel dê (mat kă bro viễn thông bơh Viettel dê tàm lơgar Peru) neh geh mat tàm bơnah “Phan lơh gơs viễn thông pa niam ngan rlau jơh” – gơ wèt ală khà jờng kă bro dunia nam 2019.

Tàm 6 nhai bồ nam do, thuê bao 4G bơh Bitel dê gơguh niam ngan, geh mờr 140% broă rơndap lơh ai tơlik. Bitel kung sùm gơ gơs là mpồl tac phan bơna công nghệ thông tin mờ gùng pờ internet ai ală anih lơh broă Chính phủ Peru in, mờ kờp jơh khà priă neh ki\ tàm sră pơrgon là rlau 46 tơlak dolar Mỹ, gơguh uă rlau 2 dơ\ mờ nggùl pơn drờm mờ gùt nam 2018.

Cồng nha kong ti lơh geh là 182% pơn drờm mờ broă rơndap lơh 6 nhai. Geh git, khà jờng kă bro dunia là 1 tàm ală khà jờng dờng màng sồ 1 dunia, geh crơng gơs bơh nam 2002, nàng kờ` jờng rơ cồng nha lơh geh mờ ală tă pơgồp uă ngan bơh ală mpồl lơh sa kă bro, cau dùl nă să tàm gùt plai ù dê wèt tus bơta kuơ bơh mpồl bơtìan dê, tàm hơ\ geh gah công nghệ thông tin mờ viễn thông.

Cau mblàng K’Duẩn