VOV4.K’ho- Tàm New Delhi, lơgar Ấn Độ dê, mò Đặng Thị Ngọc Thịnh Phó Chủ tịch lơgar geh dơ\ cribơyai broă mờ ồng Ram-nat Cô-vin Kuang ătbồ lơgar Ấn Độ. Bàr nă kuang đơng lam bồ neh dùl nùs ring bal lơh sùm broă lòt còp mờ tìp măt kấp kuang bàng dờng màng pah nam kung bè ală mpồl lơh broă bal neh geh lài đah 2 lơgar; pơn jăt tai lơh jăt niam ală jơnau ring bal mờ jơnau hơ neh ki\; hòi jà mpồl lơh sa kă bro 2 lơgar dê sơlơ lơh broă bal, lơh sa, rề ơnàng bơcri priă; ai tơl bơta [ươn ai ală gah rơndeh par 2 lơgar in lơh sa kă bro, ngui mờ pờ pa ală gùng par tus tơn đah ală [òn dờng dờng bơh 2 lơgar dê tàm tơngai tus.

Bàr gah kung dùl nùs ring bal jàu ală bộ, gah lơh broă 2 lơgar in pơn jăt tai cribơyai tă bơsong ală bơta gam gơkòl mờ bơta kòl yan tàm broă kă bro mờ bơcri priă; mơkung pơn jăt tai pơgồp bal niam mờ tàm dong kờl bal mờ gơ\p tàm ală dơ\ pơrjum dunia mờ tàm tiah do, gờ` lơh geh ală bơta pal jăt boh bơr tàm dà lềng đah măt tơngai lik dùl bă dipal, tơl làm, gàr niam bơta kuơ bơh jơh ală gah geh gơrềng dê.

Cau mblàng Lơ Mu K’Yến