VOV4.K’ho – Pơrjum dờng màng srơh ờ tơr gùm bal dơ\ 18 neh geh mut lơh ngai 25/10 tàm càr lơgar Ba-cu, lơgar Azerbaijan. Phó Chủ tịch lơgar, mò Đặng Thị Ngọc Thịnh lam bồ mpồl kuang bàng dờng màng lơgar Việt Nam tus bal pơrjum. Mờ tơngume “Tơnguh ală kơrnuat pal jat Băng-đung nàng kờ` tam dră tơl jơh ală bơta mờ pơgồp bal bơsong ală bơta lòng bơh dunia tu\ do dê”, Pơrjum dờng màng Ba-cu geh bơta tus bal bơh kuang đơng lam bồ dờng màng mờ ala mat 120 lơgar geh jơng tàm mpồl ờ tơr gùm bal, ala mat ală lơgar gròi sền mờ ală mpồl lơh broă dunia.

Mpồl kuang bàng 2 lơgar cùp rùp bal mờ mpồl kuang bàng lơgar Azerbaijan

Đơs tàm pơrjum, Phó Chủ tịch lơgar, mò Đặng Thị Ngọc Thịnh hòi jà sơlơ tơnguh nùs nhơm tam klac bal đah ală lơgar tàm mpồl ờ tơr gùm bal, mờ bơnàng jă là ală kơrnuat pal jat Băng-đung,nàng srơh gơtùi pơn jat tai là bùng bi lam lài chồl pràn broă sền dờng màng adat boh lam, tam gơl gơs làng bol lơh tờm tàm git gơp dunia, sền gàr ală bơta kuơ dipal bơh ală lơgar tàm mpồl ờ lơh broă bal dê.

Cau mblàng K’Duẩn