VOV4.K’ho- Tàm Hìu duh broă Chủ tịch lơgar dê, mò Đặng Thị Ngọc Thịnh Phó Chủ tịch lơgar wa\ rò ồng Andy Kinsella, Kuang ătbồ dờng đơng lam Tập đoàn Mainstream Renewable ( lơgar Ireland). Đơs tàm dơ\ wa\ rò, Phó Chủ tịch lơgar đơs niam ngan bơta gơtùi lơh ngan ngồn bơh rơndăp broă lơh ồs đèng càl dê gam geh Tập đoàn Mainstream Renewable geh broă rơndăp lơh lam lơh.

 Phó Chủ tịch lơgar mò Đặng Thị Ngọc Thịnh wa\ rò ồng Andy Kinsella

Tập đoàn Mainstream Renewable mờ Tập đoàn Phú Cường Việt Nam dê neh ki\ hơ jơnau ring bal lơh broă bal kờp priă là 2 tơmàn dolar Mỹ nàng kờ` bơtàu tơnguh, bơ\t bơtàu mờ ai ngui sươn dờng lơh đèng càl Phú Cường (pràn lơh gơlik 800 Mêgaoat) tàm càr Sóc Trăng.

Kuang ătbồ dờng đơng lam Tập đoàn Mainstream Renewable kơ\p gơn rơndăp broă lơh geh gờ` geh ai lơh nàng pơgồp bơnah ai tơl ồs đèng kloh bal mờ priă tă lơh dipal mờ geh lơh uă ai Việt Nam in; đơs niam ngan bơta pràn bơtàu tơnguh đèng càl bơh Việt Nam dê mờ đơs nền tu\ lơi kung kờ` dong kờl Việt Nam bơtàu tơnguh gah broă lơh do.

Cau mblàng Lơ Mu K’Yến