VOV4.K’ho – Di sa tềp bơhìan yau Canh Tý nam 2020, ngai 30/12, Ủy viên Bộ Chính trị, Phó Chủ tịch Thường trực Quốc hội, mò Tòng Thị Phóng neh lòt còp mờ pà phan ală hìu bơnhă geh sră dong kờl bơh dà lơgar, hìu bơnhă r[ah tàm tiah kềng gah dà lềng kơnhòal Vạn Ninh, càr Khánh Hòa. 

Phó Chủ tịch Thường trực Quốc hội, mò Tòng Thị Phóng neh jàu 100 bơnah phan sa tềp, tơl bơnah phan kờp pria\ 1 tơlak 100 rbô pà ală hìu bơnhă r[ah, cau gơtìp sơ nơm khih điôxin lơh aniai tàm xã Vạn Thạnh mờ xã Đại Lãnh, kơnhòal Vạn Ninh.

Do là broă lơh gơ ơm tàm broă lơh jàu pà phan “Sa tềp tài cau r[ah mờ cau gơtìp sơ nơm khih điôxin lơh aniai” sơnam pa Canh Tý 2020. Phó Chủ tịch Quốc hội, mò Tòng Thị Phóng cih dờp ală broă lơh ngan bơh Đảng bộ mờ làng bol kơnhòal Vạn Ninh dê, neh lơh ngan bơsong jơnau gơ lời wơl bơh mìu càl rbut dờng sồ 12 lơh aniai 2 nam lài, kơp kờ` Đảng bộ mờ làng bol kơnhòal Vạn Ninh pơn jat tai tơnguh bơhìan tam klac bal, sền gròi rài kis, lam lơh niam ală broă lơh dong kờl gơ wèt tus mờ cau geh màng mờ dà lơgar, kơ nòm dềt r[ah.

Cau mblàng K’Duẩn