VOV4.K’ho- Lài hơ\ kung tàm [òn dờng Dà Làc, ồng Trương Hòa Bình Phó Thủ tướng Chính phủ mờ mpồl kuang bàng neh geh dơ\ lơh broă mờ càr Lâm Đồng bè broă lơh sa- mpồl bơtiàn mờ bơtàu tơnguh tiah làng bol kòn cau tàm càr. Nam 2019, lơh sa- mpồl bơtiàn bơh càr Lâm Đồng dê pơn jăt tai bơtàu tơnguh bal mờ khà jơnhoa, kơ\ kơl jăp mờ tơl làm tàm jơh ală gah broă, bal mờ 16 tàm 17 broă jàu lơh geh mờ lơh geh sơrlèt rlau.

Anih bơyai lơh dơ\ lơh broă

Bè, GRDP gơguh 8,5%; tă dia dà lơgar lơh geh rlau 8 rbô tơmàn đong. Tàm 5 nam do, geh mờr 3 rbô 500 tơmàn đong bơcri tiah làng bol kòn cau in, geh tus rlau 23% kờp jơh priă broă rơndăp lơh bơcri priă dà lơgar.

Phó Thủ tướng ồng Trương Hoà Bình đơs tàm dơ\ lơh broă

Cih dờp ală cồng nha lơh geh, Phó Thủ tướng ồng Trương Hoà Bình tơngkah, Lâm Đồng pal pơn jăt tai lơh jăt niam ală kơrnoat, jơnau đơs pơndu\t bơh Dà lơgar, bơh càr dê nàng lơh jăt geh cồng nha niam ngan rlau jơh ală jơnau kờ`, broă rơndăp lơh bơtàu tơnguh lơh sa- mpồl bơtiàn; tàm hơ\ sền gròi tơrgùm tă bơsong kal ke ai ală mpồl lơh sa kă bro in, lơh pràn srơh sơnđờm mu\t lơh broă, lơh niam broă lơh rcăng sơndră sa kuề sa kùa, gơhòi gơ jà tă pơgồp ală priă jền nàng bơcri bơtàu tơnguh lơh sa- mpồl bơtiàn bơh càr dê.

Cau mblàng Lơ Mu K’Yến