VOV4.K’ho - Tàm pơrjum Bộ trưởng Ngoại giao mpồl ASEAN dơ\ 52 mờ ală pơrjum gơrềng bal tàm càr lơgar Bangkok, lơgar Thái Lan, Phó Thủ tướng ồng Phạm Bình Minh neh tìp Uỷ viên Quốc vụ, Bộ trưởng Ngoại giao lơgar Lo ồng Vương Nghị.

Tàm dơ\ tìp, Phó Thủ tướng ồng Phạm Bình Minh neh đơs tòm tus mờ broă lơgar Việt Nam sền kuơ broă lơh bal mờ lơgar Lo rềp bal.

Bè ală broă tàm dà lềng tu\ do, Phó Thủ tướng đơs tus mờ nùs nhơm bal mờ kơrnoăt bơh lơgar Việt Nam, đơs loh bàr gah pal lơh ngan geh sùm bơta lơngăp lơngai, ring niam, sền gròi niam ală broă ờ ring bal, ờ geh broă lơh kal ke tai bơta, bơh ală broă lơh ring lơngai bơsong di pal broă tam phà tàm dà lềng đah măt tơngai l^k tàm tơngu me lơh jăt nền nòn adăt boh lam dunia, tàm hơ\ geh Công ước Liên hợp quốc bè adăt dà lềng nam 1982 (UNCLOS 1982).

Uỷ viên Quốc vụ, Bộ trưởng ồng Vương Nghị đơs tòm Đảng, Chính phủ lơgar Lo sền kuơ broă lơh bal mờ lơgar Việt Nam, lơh ngan hàr broă lơh g^t gơ\p, lơh broă bal bơh bàr lơgar; ring bal geh cri bơyai bal, bơsong bal di pal ală broă gơl^k geh tàm broă lơh.

Cau mblàng Ndong Brawl