VOV4K’ho – Ngai òr (25/7), tàm Hìu lơh broă Chính phủ, Phó Thủ tướng, ồng Trương Hoà Bình neh đơng lam Pơrjum gùt lơgar sền wơl broă lơh 6 nhai bồ nam 2019 mờ lam lơh kơnòl broă 6 nhai lồi nam bơh Mpồl đơng lam rơcang sơndră cau tìs bơh Chính phủ dê (hòi lơyah là mpồl đơng lam 138 bơh Chính phủ dê) mờ Mpồl đơng lam dà lơgar rơcang sơndră kă bro phan pồn tă dia, blac pơr lồm kă bro mờ phan ờ ngan (hòi lơyah là mpồl đơng lam 389 dà lơgar).

                            Phó Thủ tướng Trương Hoà Bình đơs tàm pơrjum

Đơs tàm pơrjum, Phó Thủ tướng, ồng Trương Hoà Bình sồr pal đal git, ală broă lơh do là kơnòl chính trị kuơ màng, geh lơh sùm bơh jơh ală bộ, gah lơh broă mờ ală tiah dê. Tàm hơ\, tơnguh kơnòl bơh cau atbồ dê, dilah tàm tiah lơi, tàm gah broă lơh lơi lời gơlik geh ală broă lơh tìs kơn jơ\, kal ke, jo\ jòng bè cau tìs, kă bro phan pồn tă dia… den pal lam lơh sền tìs di song dơpă.

                                      Ală kuang bàng geh jơnau đơs tàm pơrjum

Phó Thủ tướng kung sồr ală bộ, gah lơh broă, ală tiah sơlơ tơnguh rlau tai broă mblàng yal, bơ to bơtê adat boh lam. Sùm tìp mat, boh bơr, iat bơta kơp kờ` bơh làng bol dê. Mơkung sơlơ tơnguh gơ noar broă bơh ală mpồl lơh broă, ală anih lơh [a\u dê, ngan là làng bol tàm broă sền gròi, sền sơwì tàm broă lơh kơnòl broă…

Cau mblàng K’Duẩn