VOV4.K’ho – Drim òr (04/8), tàm Học viện yàng Phờk Việt Nam (tàm Sóc Sơn, Hà Nội), Mpồl Chữ thập đỏ dà lơgar Việt Nam, Học viện yàng Phờk Việt Nam tàm Hà Nội, Viện Huyết học – Truyền máu dà lơgar bơyai lơh ngai chờ pà mhàm dong kờl is dong kờl kòn bơnus.

                        Phó Thủ tướng geh jơnau đơng lam tàm ngai chờ ai mhàm dong kờl

Ngai chờ dờp geh bơta tus bal bơh rlau 500 nă cau jat yàng phờk, tus cih mat pà mhàm dong kờl is mờ 150 nă cau tus cih mat pà phan tàm dơ lăm să.

Đơs tàm dơ\ pơrjum, Phó Thủ tướng ồng Trương Hoà Bình đơs ngan: lòt gan rlau 2 rơbô nam geh mat tàm lơgar he, yàng Phờk neh mut gơ rờm bal, lòt bal mơ jơi bơtìan, cèng nùs nhơm niam, kờ` gơboh dong kờl ală cau geh rài kis kal ke tàm mpồl bơtìan.

Phó thủ tướng sồr Bộ Y tế, Mpồl Chữ thập đỏ dà lơgar Việt Nam, gah jat yàng phờk Việt Nam pơn jat tai gàr niam mờ rề ơnàng broă lơh do tàm jơh ală anih cau jat yàng phờk tàm gùt lơgar dê. Pơn jat tai rề ơnàng bơta kờ` gơboh, bơta tam pà bal đah kòn bơnus mờ kòn bơnus dê bè broă pà mhàm dong kờl is, pà ală phan tàm dơ lăm să, jat di mờ nùs nhơm jơnau yal “ pà là gam sùm”.

Cau mblàng K’ Hạnh