VOV4.K’ho – Mho òr (26/7), tàm hìu lơh broă Chính phủ, Phó Thủ tướng Vũ Đức Đam đơng lam dơ\ pơrjum Ủy ban dà lơgar tam gơl pa Bơto bơtê mờ bơsram, tơngai bơh nam 2016 tus nam 2021 mờ Hội đồng dà lơgar bơto bơsram mờ bơtàu tơnguh mpồl cau lơh broă tơngai bơh nam 2016 tus nam 2021 bè broă lơh bơto bơtê niam chài rài kis ai kơnòm bơsram phổ thông in. Cribơyai tàm dơ\ pơrjum, ală kuang geh jơng bơh Ủy ban dê neh đơs là, broă lơh pơgồp bal đah hìu bơnhă, hìu bơsram, mpồl bơtìan tàm broă bơto bơtê kơnòm bơsram ờ hềt jơh nùs.

Ală kuang bàng tàm Hội đồng sồr ai 2, 3 nùs nhơm niam chài rài kis pal geh nàng tơmut tàm broă lơh bơto bơtê niam chài rài kis ai kơnòm bơsram phổ thông in mờ đơs tus 2, 3 tơngume kuơ màng nàng gơtùi tơr gùm bơsong tàm tơngai tềng đap mat nàng broă bơto bơtê niam chài rài kis ai kơnòm bơsram in lơh geh cồng nha. Phó Thủ tướng Vũ Đức Đam đơs loh, broă bơto bơtê niam chài rài kis ai kơnòm bơsram phổ thông in là broă lơh jo\ jòng, broă bơto bơtê niam chài rài kis kơnòm bơsram in kờ` pal geh bơta tam gơl pa bơh ală kấp, ală gah broă lơh, hìu bơsram mờ bơh să tờm mè bèp kơnòm bơsram.

Cau mblàng K’Duẩn