VOV4.K’ho – Drim ngai 11/3, Phó Thủ tướng, ồng Vũ Đức Đam, Kuang atbồ Mpồl đơng lam dà lơgar rơcang sơndră kòp Covid-19 neh đơng lam pơrjum lam lơh ală broă lơh rơcang sơndră kòp. Tàm pơrjum, Mpồl đơng lam đơs là, bơta geh ngan bơh broă bơyai lơh tam cah is dê là sac rơwah, git go\ ală cau digơlan bơ tờp kòp nàng lam lơh ală broă lơh kơryan ờ lời kòp bơ tờp ua\ tus mpồl bơtìan.

Bè gùng lòt, nàng kơryan kòp bơ tờp bơh gùng rơndeh par, ală kuang bàng ring bal, gơ wèt mờ ală gah rơndeh par bơh lơgar Việt Nam dê sồr nac pal pơn chèu glòm muh mat bơh tu\ nggui tàm rơndeh par tus tu\ neh mut tàm lơgar Việt Nam mờ lơh sră đì rơndeh par pal pơn chèu glòm muh mat. Bè broă bơyai lơh tam cah is, Mpồl đơng lam ring bal pơn jat tai lơh jat broă tam cah is 14 ngai. Bè lơh niam tiah ơm kis, ală kuang bàng kung sồr Bộ Y tế pơlam mùl màl bè broă lơh ai ală tiah in lơh jat broă lơh kloh khuẩn, lơh kloh kòp tàm hìu bơnhă mờ tiah geh cau bơ tờp Covid-19.

Cau mblàng K’Duẩn