VOV4.K’ho- Tàm dơ\ pơrjum drim ngai 23/3 Mpồl đơng lam dà lơgar rcăng sơndră kòp Covid-19, ồng Vũ Đức Đam Phó Thủ tướng Chính phủ đơs sùm pal krà` cê jơh nùs kơryan kòp Covid-19 lơh bơtờp tàm mpồl bơtiàn.

Jơh ală anih lơh broă chính trị pal tus bal lơh broă pràn kơldang “lòt tơl sơne\ gùng, tơl mpồng hìu”, kờp sền ală cau gơtìp pin, bơyai lơh xét nghiệm mhar nàng tam cah, căng tiah, gròi sền kòp bơtờp bal mờ nùs nhơm sơrbac mhar, jal mhar rlau tai.

Tềng đăp jơnau yal bè broă làng bol kơlôi rcăng ngòt ờ tơl sơnơm sơm kòp Covid-19, digơlan gơlam tus jơnau khòm tơrgùm, prăp pồn phan, halà blơi is sơnơm rê hùc, ồng Trương Quốc Cường Thứ trưởng Bộ Y tế pà gi\t, Bộ Y tế neh rcăng tơl bơta sơnơm nàng gơtùi sơm kòp ai tus 190 rbô nă cau in. Làng bol gơtùi iang nùs jơh lơm bè bơta do.

Mpồl đơng lam dà lơgar rcăng sơndră kòp neh sồr Bộ Y tế sơrbac mhar bơto pơlam, ai tơl ală bơta ai ală tiah in ngui ală bộ kit, drơng xét nghiệm mhar ai gi\t nđờ jơ\t rbô nă năc neh mu\t tàm lơgar in tàm 14 ngai do, kơryan bơta lơh bơtờp tàm mpồl bơtiàn.

Cau mblàng Lơ Mu K’Yến