VOV4.K’ho- Mho ngai 9/3, tàm Hà Nội, Bộ Thông tin mờ Truyền thông pơgồp bal mờ Bộ Y tế tơlik măt 2 phan ngui dong kờl rcăng sơndră kòp Covid-19, tàm hơ\ geh: phan ngui NCOVI lời ai làng bol lơgar Việt Nam mờ phan ngui Vietnam healthe declaration lời ai cau mu\t tàm lơgar Việt Nam in.

Phan ngui NCOVI mờ Vietnam healthe declaration geh ngui nàng yal mờ gah lơh sơnơm in jòi gơlik ală cau pal sền ngac nàng kờ` broă lơh rcăng sơndră kòp dùl bă rcăng lài. Đơs tàm dơ\ bơyai lơh, ồng Vũ Đức Đam Phó Thủ tướng Chính phủ đơs nền: Ală jơnau yal bơh làng bol dê ndrờm geh dà lơgar ătbồ niam mờ mìng nàng ngui dong làng bol sơndră kòp, ờ go\ sơgràm rài kis is bơh làng bol dê. Phó Thủ tướng ồng Vũ Đức Đam kơ\p kờ` làng bol tus lơh bal, cih yal mờ gah lơh sơnơm in dong Bộ Y tế, Mpồl đơng lam dà lơgar rcăng sơndră kòp Covid-19 gi\t geh tiah geh kòp.

Cau mblàng Lơ Mu K’Yến