VOV4.K’ho – Drim ngai 25/2, tàm Hà Nội, Phó Thủ tướng, ồng Vũ Đức Đam neh tus bal mờ đơs tàm Pơrjum pờ tơlik tơn tàm internet lam lơh broă lơh sơnơm nam 2020 mờ rơcang sơndră kòp Covid-19 bơh Bộ Y tế bơyai lơh. Jat jơnau yal bơh Bộ Y tế dê, 11 ngai do, gùt lơgar ờ git go\ cau gơbàn kòp bơh jơi pa virus SARS-CoV2 lơh gơbàn. Cau kòp dut ndơl (kờp tus mho ngai 25/2) bơ tờp kòp Covid-19 kung neh bời kòp, gam kơp rê bơh hìu sơnơm.

Tiah gơbàn kòp ua\ ngan rlau jơh dà lơgar tàm xã Sơn Lôi, kơnhòal Bình Xuyên, càr Vĩnh Phúc kung neh geh kơryan geh cồng nha. Đơs tàm pơrjum, Phó Thủ tướng, ồng Vũ Đức Đam sồr jơh mpồl lơh broă pơn jat tai lơh bal rơcang sơndră geh cồng nha mờ kòp bơ tờp, pơn jat tai lam lơh jat ală broă lơh rơcang sơndră kòp, mờ bơta kuơmàng lài ngan là tơl nă cau pal tus bal rơcang sơndră kòp Covid-19.

Cau mblàng K’Duẩn