VOV4.K’ho - Tàm Hà Nội, Phó Thủ tướng ồng Vũ Đức Đam tus pơrjum pờ tơl^k tơn tàm internet gùt ling klàng kờ` sền wơl broă sơndră mờ kòp mờ lơh jăt kơnòl mhar tàm broă sơndră mờ kòp Covid-19 geh Bộ Quốc phòng bơyai lơh.

Kờp tus ngai 17 nhai 2, ờ geh dờp cau lơi gơtìp kòp tàm ling klàng, mơya ling klàng gam pal bơyal lơh tam cah is, sền gròi ală cau geh pin. Neh geh 2 rơbô 292 nă cau lơgar Việt Nam geh dờp, tam cah is tàm 14 pôs ling klàng.

Tàm gùng nhàr dà lơgar, mpồl ling sền gàr tiah nhàr dà lơgar 7 càr rềp mờ càr dà lơgar bơh lơgar Việt Nam mờ lơgar Lo pơgồp bal mờ ală mpồl lơh broă geh gơnoar lơh rơlao 380 anih kơrian, sền gròi tàm ală mpồng nhàr dà lơgar.

Phó Thủ tướng ồng Vũ Đức Đam, kuang atbồ mpồl đơng lam dà lơgar sơndră mờ kòp as sồt gùng tă nhơm mhar tài Covid-19 lơh gơbàn, sồr ling klàng pơn jăt tai tơnguh mpồl lơh broă; lơh niam broă rơcang tơl ală bơta phan lơh sơnơm; sền wơl ală broă lơh kờ` lơh gơs cơ chế đơng lam tàm broă sơndră mờ kòp… kờ` tu\ lơi kung rơcang lài sơndră mờ ală bơta gơbàn neh ai geh.

Cau mblàng Ndong Brawl