VOV4.K’ho- Tàm [òn dờng Pleiku, càr Gia Lai, Phó Thủ tướng Chính phủ ồng Vương Đình Huệ geh dơ\ lơh broă mờ ală mpồl lơh sa gơ wèt Bộ Quốc phòng tàm Tây Nguyên.

  Lơh jat Nghị quyết bơh dà lơgar dê bè pơn jat tai rơndap tap sèng wơl, tam gơl pa mờ tơnguh jơnhoa cồng nha mpồl lơh sa kă bro dà lơgar, Quân uỷ dà lơgar, Bộ Quốc phòng neh bơt bơtàu rơndap broă lơh rơndap tap sèng wơl, tam gơl pa mờ tơnguh jơnhoa cồng nha mpồl lơh sa kă bro Ling klàng dê tus nam 2020.

Jat rơndap cih rơndap broă lơh do, ală mpồl lơh broă ling klàng lơh sa tàm Tây Nguyên geh tam gơl bơh broă lơh mpồl lơh sa kă bro tus Mpồl lơh sa Quốc phòng. Bă ù geh tam gơl hời rơ hời ai ală càr Dak Lak, Dak Nông, Gia Lai, Kon Tum mờ Bình Phước in pơgap 50.000 lồ.

Đơs tàm dơ\ lơh broă, Phó Thủ tướng đơs nền, Chính phủ, ală Bộ gah sơnah lơh broă geh ai tơl bơta buơn ngan rlau jơh nàng Bộ Quốc phòng in kung bè ală Binh đoàn, Công ty ling klàng lơh sa lơh jat niam broă rơndap tap sèng wơl. Bơh hơ\, lơh gơs jak ngan 3 kơnòl broă là ling klàng lơh broă, ling klàng tam lơh mờ ling klàng lơh broă sa, di pal mờ bơhìan Cau ling Wa Hồ dê, tă pơgồp bơnah bơtàu tơnguh lơh sa, mpồl bơtìan, kuơ màng là gàr kơ\ broă sền gàr dà lơgar, lơngap lơngai dà lơgar tàm ù tiah kuơ màng Tây Nguyên dê.

Cau mblàng K’ Hạnh