VOV4.K’ho-  Tàm hìu lơh broă Chính phủ, Ủy viên Bộ Chính trị, Phó Thủ tướng ồng Vương Đình Huệ đơng lam pơrjum mờ kuang đơng lam bồ bàr pe Bộ, gah sơnah lơh broă mờ Uỷ ban sền gròi priă jền dunia sền sơ wì priă dồs bơh lơgar ndai tơngai bơh nam 2011- 2018 mờ broă tăc trái phiếu mpồl lơh sa kă bro dê tàm 6 nhai do.

Jat Bộ Tài chính, tơngai pa do, dơ\ ngui dồs lơgar ndai bơh dà lơgar dê pơn ndrờm mờ kờp jơh phan lơh geh tàm lơgar (GDP) geh gơguh mhar. Tus lồi nam 2018, kờp jơh dồs lơgar ndai bơh dà lơgar dê pơn ndrờm mờ GDP geh pơgap 46%, khà tơm dồs pơn ndrờm mờ kờp jơh priă lơh geh bơh tăc phan mờ lơgar ndai pơgap 25%, gàr niam ală jơnau sồr mờ kơrnoat boh lam dunia dê.

Nàng gàr niam ờ do ờ dă dồs dà lơgar đơs bal mờ dồs lơgar ndai bơh dà lơgar dê đơs is, kung bè kơ\ kơl jap lơh sa dờng, Phó Thủ tướng Vương Đình Huệ sồr ală Bộ, gah sơnah lơh broă, tơnguh broă đơng lam, atbồ dồs jat jơnau sồr bơh adat boh lam dê. Bộ Tài chính mờ Ngân hàng dà lơgar pơgồp bal tơr gùm sền sơ wì kờp jơh dồs, rơndap tap sèng dồs bơh ală tiah di pal mờ di mờ kơrnoat boh lam dunia dê. Bộ Kế hoạch mờ đầu tư kờp sền, sền sơ wì jơh ală priă bơcri bơh lơgar ndai, ngan là rơndap broă lơh dờng; gơ rềng bơh bơta càn priă lơgar ndai tus jơnau kờ` gơnguh lơh sa mờ gơ hòi gơ jà FDI…

Cau mblàng K’ Hạnh