VOV4.K’ho – Phó Thủ tướng, Bộ trưởng Ngoại giao, ồng Phạm Bình Minh neh sơn đờm ală broă lơh di tu\ tus bal dơ\ cribơyai dờng màng khóa pơrjum dơ\ 74 bơh Đại hội đồng Liên hợp quốc dê. Tàm ală dơ\ tìp mat cribơyai broă 2 gah, Thủ tướng lơgar Uganda, Thủ tướng St Vincent and the Grenadines, Ngoại trưởng lơgar Algeria mờ Thứ trưởng Bộ Ngoại giao lơgar Mỹ ndrờm ai tơnggo\ nùs nhơm sơ nơng niam ngan gơ wèt mờ Việt Nam, nting sap gờm chờ lơgar he neh geh pồ lơh lơgar geh jơng ờ lơh broă sùm Hội đồng Bảo an Liên hợp quốc, tơngai lơh broă bơh nam 2020 tus nam 2021.

Tìp mat Thứ trưởng Bộ Ngoại giao Mỹ, ồng David Hale tus lùp còp, Phó Thủ tướng Phạm Bình Minh đơs nền, Việt Nam sền dờng màng mờ kơp kờ` sơlơ tơnguh git gơp lơh broă bal mờ Mỹ, tàm tu\ 2 lơgar rơcang tơngkah 25 nam ngai bè ờs wơl git gơp tàm nam 2020, sồr 2 gah pơ gồp bal, sơlơ tìp mat mờ cribơyai, ngan là kấp dờng àng, lơh niam rlau tai mờ rề ơnàng tơngume lơh broă bal git gơp kă bro – bơcri priă, sền gàr lơngap lơngai, sền gàr dà lơgar… mờ sơlơ lơh broă bal tàm ală broă tàm dunia mờ tàm ală lơgar rềp bal.

Cau mblàng K’Duẩn