VOV4.K’ho – Dờp jơnau jà bơh mò Men San An, Phó Thủ tướng, Bộ trưởng Bộ Quan hệ Quốc hội, Thượng viện mờ Thanh tra lơgar Campuchia, Phó Thủ tướng Thường trực, ồng Trương Hòa Bình neh geh dơ\ lòt còp mờ lơh broă tàm lơgar Campuchia. Tàm dơ\ tìp mat cribơyai broă mho ngai 12/12, 2 gah neh yal bal mờ gơp bè broă lơh sa – mpồl bơtìan bơh tơl lơgar dê, chờ hờp tềng đap ală bơta bơtàu tơnguh pràn ngan tàm git gơp lơh broă bal tơl làm đah 2 lơgar tàm tơngai lài.

Phó Thủ tướng, mò Men San An đơs nền, làng bol lơgar Campuchia ờ tu\ lơi hui\ bơta dong kờl jơh nùs jơh tồr, geh cồng nha bơh lơgar Việt Nam dê ai lơgar Campuchia in tàm tơngai lài do mờ tu\ do. 2 Phó Thủ tướng ring bal bơtàu tơnguh mờ chồl pràn rlau tai git gơp 2 lơgar ngai sơlơ bơtàu tơnguh jat jơnau đơs “lơgar rềp bal niam bơne\, git gơp lơh bơ yô ờs mờng, lơh broă bal tơl làm, kơ\ kơljap jo\ jòng”.

Cau mblàng K’Duẩn