VOV4.K’ho – Drim òr (25/11), pơrjum cau ala mat ală kòn cau gùt càr Gia Lai dơ\ 3 ngan ngồn geh lơh tàm [òn dờng Pleiku. 250 nă cau jak ngan, ala mat 34 jơi bơtiàn kòn cau tàm càr neh tus bal. Phó Thủ tướng Thường trực Chính phủ, ồng Trương Hòa Bình neh tus bal mờ đơng lam pơrjum. Tàm tơngai bơh nam 2014 tus nam 2019, càr Gia Lai neh lam lơh geh cồng nha ua\ broă lơh, rơndap broă lời ai cau kòn cau in, càr kung neh lam lơh 2, 3 rơndap broă nàng kờ` gàr sùm, tơnguh ală bơta kươ niam chài bơh jo\ niam bơne\, mơkung sang te\ ală bơhìan ờ niam.

Đơs đơng lam tàm pơrjum, Phó Thủ tướng sồr kấp ủy, gơnoar atbồ ală kấp càr Gia Lai dê lam lơh jat niam 2, 3 tơngume bè: pơn jat tai sền gròi lài, tơr gùm ală bơta pràn bơcri pria\ bơt bơtàu phan bơna lơh sa mpồl bơtìan ring bal; sền gròi tus tam gơl pa broă lơh bơtàu tơnguh jat gùng dà broă lơh tơnguhbroă lơh sa, bơta niam, geh cồng nha, kơ\ kơljap; tơlik cơ chế, broă lơh dipal bè ù tiah, bơto broă lơh, ai càn pria\, tac phan lơh gơs; ngui bơta pràn, bơta niam bè niam chài krơi is bơh ală kòn cau dê nàng bơtàu tơnguh nhơl chờ brê bơnơm, lòt jòi git ngan ngồn, ai geh broă lơh, tơnguh pria\ lơh geh làng bol dê.

Cau mblàng K’Duẩn