VOV4.K’ho-Drim òr 6/4, Mpồl đơng lam dà lơgar bè rcang sơn dră kòp Covid-19 neh pơrjum bơh bơta đơng lam bơh Phó Thủ tướng ồng Vũ Đức Đam, Kuang atbồ Mpồl đơng lam rcang sơn dră kòp Covid-19, Phó Thủ tướng ưn ngài làng bol uă ngan neh tă pơgồp bal dà kơl hề, dùl nùs bal rcang sơn dră kòp bulah pal kong mờ uă ngan bơta bòl glar kal ke, geh tu\ kong hoàc huơr bè lơh sa.

Rlau mờ hơ\, uă ngan mpồl cau, mpồl lơh sa kă bro, cau dùl nă să is, bơh ală cau kra tus ală kơnòm dềt neh geh uă broă lơh niam bơne\ ngan, kuơ màng ngan nàng pơn jat ai bơta pràn phan bơna mờ nùs nhơm ai tàm broă rcang sơn dră mờ kòp do in.

Kòp bơtờp tàm dunia kung gam gơlik geh kal ke mờ ờ gơtùi g^t lài, Phó thủ tướng đơs loh:  tềng đap mat kung gam uă ngan bơta bòl glar kal ke mờ uă ngan bơta aniai. Bol he pal lơh krà` cê nền nòn ờ di sền ờ sơ\p, lơh ờ jơh nùs. Dilah gùt làng bol dùl nùs bal, rcang sơn dră kòp den ngan ngồn bol he geh jai pha.

Cau mblàng K’ Hạnh