VOV4.K’ho- Bal mờ broă lơh jat is ală broă lơh rcang sơn dră kòp Covid-19, tàm uă anih lơh broă dà lơgar càr Kon Tum neh geh ală broă lơh bơceh pa nàng tơnguh cồng nha rcang sơn dră kòp. Tàm kơnhoàl Đăk Hà, jơnau bơceh “ Cau lơh broă is tơngkah tơl nă cau rcang sơn dră kòp Covid-19” bơh bi Trương Văn Thành, Phó trưởng phòng Tư pháp kơnhoàl dê mờ uă bơta niam neh mờ gam geh gơnoar at bồ tiah do dê rề ơnàng drơng broă rcang sơn dră kòp.

 Ală ngai do, làng bol lơi tu\ tus Anih lơh broă wă làng bol mờ dờp trơwơl sră nggal bơh UBND kơnhoàl Đăk Hà dê kung ndrờm kơno ùr “Cau lơh broă is” lơ bơn niam tơngkah lơh jat ală broă lơh rcang sơn dră kòp Covid-19. Bơta lơh tơl nă cau geh bơta gơ kờ` mờ ùr “ cau lơh broă is” do dê là “ ùr” geh mòn gơs ndrờm bè dùl nă cau lơh broă văn phòng, sùm dơ `o\ mờ mìng tơngkah tu\ cau lòt gan. Ală tu\ ờ geh cau lòt lơh broă “ùr” do ơm mo\ dờp wơl bơta ngềt ngơ\t ờ lơh kal ke ai kuang bàng, cau lơh broă tàm tiah do in.

Bi Trương Văn Thành mờ jơnau bơceh “cau lơh broă is tơngkah tơl nă cau rcang sơn dră kòp Covid-19”

 Bi Trương Văn Thành, 44 sơnam, Phó trưởng Phòng Tư pháp kơnhoàl Đăk Hà, cau tờm bơceh “Cau lơh broă is tơngkah tơl nă cau rcang sơn dră kòp Covid-19 pà g^t, bơh broă sền bơta geh ngan tàm ală anih sền gròi kòp, anih lơh broă dà lơgar, tàm mpồl bơtìan… bi sền go\ ală kuang bàng, cau lơh broă bòl glar ngan tàm broă mblàng yal, pơlam làng bol lơh jat ală broă rcang sơn dră kòp Covid-19. Bi Thành kơlôi sơnơng pal lơh bơceh dùl nơm ma\y ala cau lơh broă do mờ sồr là pal lơh is mờ mìng tơngkah, pơlam tu\ geh cau lòt gan”.

 Dơ\ 1 là ma\y geh pờ bơh ngài, gơ dong cau lơh broă ờ duh pal tus tơn nàng pờ. Dơ\ 2 là hệ thống cảm biến chuyển động mờ hồng ngoại; gơtùi lơh broă jơh dùl ngai halà jơh dùl mang, halà lơh is tu\ tơngai mờ he crăp. Jòng halà lơyah bè jơnau mblàng yal kung geh crăp sơl. Dơ\ pe tai là, tơr gùm ală loa geh phan cih kah, geh thẻ mờ gơ pờ tơn tơnơ\ pơgap bơh 3 tus 7 giây den neh pờ jơnau yal mờ he kờ` mblàng yal.

Tu\ geh cau lòt gan, ùr “ cau lơh broă is” tơngkah tơl nă cau lơh jat broă rcang sơn dră kòp Covid-19

Kung jat bi Trương Văn Thành, geh lờih bơta hàm kờ` bơceh pa, bơh tu\ kòp Covid-19 gơlik geh bi neh kơlôi sơnơng bơceh dùl nơm ma\y ngui nàng mblàng yal broă rcang sơn dră kòp. Geh bơta pơn jờng, sồr lơh bơh kuang atbồ tiah do dê, bi mờ oh mi tàm Phòng Kinh tế Hạ tầng kơnhoàl dê, bi Thành blơi ală phan bè: hệ thống đèng ngac ngar, cảm biến hồng ngoại, loa đèng… mờ khà priă ờ hềt tus 2 tơlak sơl nàng lơh “cau lơh broă is tơngkah tơl nă cau rcang sơn dră kòp Covid-19”.

Đơs bè jơnau bơceh pa bơh bi Trương Văn Thành dê, ồng Nguyễn Ngọc Trang, Phó Chủ tịch UBND kơnhoàl Đăk Hà pà g^t, kuang bàng lam bồ tiah do neh jờng rơ uă bơta bơceh pa do mờ gam ai lơh rề ơnàng nàng drơng broă rcang sơn dră kòp Covid-19.

Bol a` jờng rơ uă ngan jơnau bơceh bơh Phó trưởng Phòng Tư pháp dê. Tu\ mờ dờp geh jơnau dan bơh khai dê den bol a` ring bal mơ mờ neh sồr ală nih lơh broă ờs mờng pal dong kờl priă jền nàng lơh. Tơnơ\ hơ\ bol a` jà ală kuang bàng đơng lam bồ, ngan là ală oh mi tàm gah Thường trực Huyện ủy tus sền broă lơh mờ ai jơnau sồr lơh jat rề ơnàng. Kuơ màng là ơn broă lơh lam lài do tàm ală anih lơh broă mpồl bơtìan, bè Anih tờm lơh sa kă bro, Mpồl lơh broă dùl mpồng bơh kơnhoàl dê dong làng bol tu\ tus tàm ală tiah geh gal cau gơtùi g^t broă rcang sơn dră kòp. Bơh broă lam lơh jat bol a` sền go\ là broă mblàng yal do geh cồng nha uă ngan.

Cau cih Khoa Điềm- Cau mblàng K’ Hạnh