VOV4.K’ho- Broă càr Kon Tum lơh jăt cồng nha broă tơm priă sền gàr brê gam pờ geh uă bơta niam ai broă tơnguh rài kis broă lơh sa làng bol tus bal atbồ sền gàr brê in.

Bal mờ hơ\, gơnoar atbồ tàm ală tiah kung ai uă broă sền gròi kờ` làng bol gơtùi tus bal tàm broă tam brê mờ sền gàr brê. Bal mờ hơ\, gơnoar atbồ tàm do kung neh ai uă broă sền gròi kờ` làng bol geh tus bal tàm broă tam brê mờ sền gàr brê kờ` ai geh ring niam rài kis.

Mìng kờp tus jơh nhai 5 nam 2019, ală mpồl cau tòm brê càr Kon Tum neh bơyai lơh jào ai 10 mpồl lơh broă, 335 mpồl [òn, 233 mpồl hìu mờ rơlao 2 rơbô 200 hìu atbồ, sền gàr rơlao 201 rơbô lồ brê. Tàm hơ\ bă brê rơcang gàr lài là rơlao 98 rơbô 400 lồ, brê hòn is rơlao 39 rơbô 300 lồ mờ brê lơh sa rơlao 63 rơbô 400 lồ. Ồng Hồ Thanh Hoàng, kuang atbồ Kes priă sền gàr mờ tơnguh bơtàu brê càr Kon Tum pà g^t bè khà priă geh bơh broă tus bal atbồ sền gàr brê bơh hìu nhă, mpồl [òn mờ mpồl hìu:

-Priă sền gàr brê bơh ală hìu làng bol geh dờp, gơwèt mờ ală hìu nhă geh Dà lơgar jào ù den dùl hìu geh di pơgăp 8 tơlăk priă tàm dùl hìu dùl nam. Gơwèt mờ ală mpồl [òn geh dà lơgar jào brê den geh di pơgăp 88 tơlăk priă tàm dùl mpồl dùl nam.

Gơwèt mờ ală hìu nhă geh dờp brê bơh ală cau tòm brê là mpồl den geh di pơgăp 14 tơlăk priă tàm dùl hìu dùl nam. Gơwèt mờ ală mpồl [òn mờ dờp bơh ală cau tòm brê mpồl di pơgăp 185 tơlăk priă tàm dùl mpồl dùl nam. Gơwèt mờ ală mpồl hìu dờp bơh ală cau tòm brê mpồl dờp 64 tơlăk priă tàm dùl mpồl dùl nam.

Bơh khà priă tơm sền gàr brê geh dờp bơh broă tus bal atbồ sền gàr brê, làng bol geh tai priă kờ` tơnguh rài kis. Uă hìu kung neh ngui khà priă do pơgồp bal mờ ală priă ndai kờ` bơcri tàm broă tam brê, ròng phan, tam ờ uă phan tam jo\ nam geh kuơ tàm broă lơh sa uă bè kơphe, cao su…

Jăt jơnau đơs bơh UBND càr Kon Tum yal, kơnờm mờ broă chồl pràn broă lơh jăt broă jào sền gàr brê, bơh broă sền, sền gròi, bă brê geh jào sền gàr geh bơta gơrềng ờ niam bè: ồs sa brê, mus brê lơh mìr, mus kơl ờ di pal… ờ uă rơlao pơn drờm mờ tu\ ờ hềt geh jào sền gàr.

Ồng A Thai, Chủ tịch UBND xã Đăk Long, kơnhoàl Đăk Glei pà g^t, lồi nam 2017, gơnoar atbồ xã bơyai lơh jào 652 lồ brê ai 8 mpồl [òn in atbồ sền gàr. Broă do geh làng bol kờ` bal:

-Bơh tơngai pa do, bol a` sền mpồl bơtiàn tus bal go\ geh cồng nha niam ngan. Bơh tu\ tam gơl ai mpồl [òn atbồ den mpồl [òn chờ hờp ngan. Dùl bơnah là pơgồp bal tàm broă atbồ mờ sền gàr brê. Tàm hơ\ geh tă ai ală mpồl sùm lòt sền gròi brê in. Dơ\ bàr là kung ai geh priă mpồl [òn in. Hơ\ là dùl tàm ală cồng nha. A` go\ broă lơh di niam ngan.

Tơnơ\ mờ 8 nam càr Kon Tum lơh jăt broă tơm priă sền gàr brê, neh geh dùl bơta tam gơl tàm jơnau g^t wă làng bol dê bè brê. Lài do, broă kơl chi, mus brê lơh mìr gơbàn uă ngan den tu\ do làng bol neh tus bal niam tàm broă tam brê, gàr brê kờ` geh rài kis bơh brê.

Tàm ală kơnhoàl bè Đăk Tô, Kon Rẫy… làng bol kis tàm ală kơnhoàl do neh jào wơl g^t nđờ rơhiang lồ ù kờ` bal mờ mpồl cau tòm brê tam wơl brê, dờp sền gàr mờ atbồ. Gơnoar atbồ ală tiah tàm càr kung sền gròi uă rơlao tus mờ broă ai tơl bơta niam làng bol in tơnguh bơtàu broă lơh sa mờ brê. Ồng Nguyễn Hữu Thạch, Chủ tịch UBND kơnhoàl Ia H’ Drai pà g^t:

-Pơrjum HĐND pa do kơnhoàl kung neh yal mờ HĐND kơnhoàl là bơh rơndăp broă jào ù jào brê jăt gùng dà broă lơh bơh càr dê. Hội đồng neh ring bal tus do UBND kơnhoàl geh lơh wơl sră nggal, rơndăp broă lơh yal mờ Sở Nông nghiệp mờ Phát triển Nông thôn sền, yal mờ UBND càr k^ lơh tơngu me lơh jăt.

Jăt mờ kơrnoăt bè ờ uă hìu nhă dờp sền gàr tàm dùl bă brê den geh ngui 30% khà brê geh dờp sền gàr hơ\ kờ` tam ală phan tam.

Mờ broă lơh jăk broă tơm priă sền gàr brê, làng bol ngai sơlơ đềt mềr rơlao mờ brê, do là tơngu me tòm kơl jăp kờ` càr Kon Tum pơn jăt tai tơnguh uă khà tìm chi brê. Bơh tu\ hơ\ geh ai rài kis broă lơh sa kơl jăp làng bol in tus bal tàm broă atbồ mờ sền gàr brê.

Cau mblàng Ndong Brawl