VOV4.K’ho – Sở Khoa học mờ Công nghệ càr Gia Lai pơgồp bal mờ UBND kơnhòal Phú Thiện bơyai lơh pơrjum khoa học “Atbồ, bơtàu tơnguh mat kă bro phe Phú Thiện - Gia Lai”. Tàm pơrjum, ală cau khoa học neh cribơyai, đơs tus ua\ broă gơ rềng tus broă lơh bè lơi nàng atbồ mờ bơtàu tơnguh “mat kă bro phe Phú Thiện – Gia Lai”, ală bơta kal ke, kòl yan mờ broă rơndap lơh nàng bơt bơtàu mat kă bro phe Phú Thiện tàm tơngai tơnơ\ do.

Đơs tàm pơrjum, Kuang đơng lam bồ UBND càr kơp kờ` tàm tơngai tus, UBND kơnhòal Phú Thiện pal atbồ, ngui niam mat kă bro “Phe Phú Thiện – Gia Lai” nàng wèt tus tơnguh pria\ lơh geh ai cau lơh broă sa in. Phó Chủ tịch UBND càr kung đơng lam ală sở, gah broă lơh geh gơ rềng bơh càr dê pal lơh broă bal mờ kơnhòal Phú Thiện nàng bơt bơtàu mat kă bro phe Phú Thiện tàm tơngai tơnơ\ do; tềng đap mat là lơh bal mờ ală mpồl lơh sa kă bro mờ ală cau khoa học nàng pơlam cau lơh broă sa in git bè broă rơndap lơh lơh sa jat ròt bơta kuơ lơh geh nàng tơnguh pria\ jền lơh geh.

Cau mblàng K’Duẩn