VOV4.K’ho- Mho òr 1/8, tàm Bangkok, lơgar Thái Lan neh geh lơh Pơrjum Bộ trưởng Ngoại giao Mekong mờ dà dờng Hằng dơ\ 10. Pơrjum bơh Phó Thủ tướng, Bộ trưởng Bộ Ngoại giao ồng Phạm Bình Minh mờ Bộ trưởng Ngoại giao lơgar Ấn Độ mò Subrahmanyam Jaishankar drơng lơh bal, bal mờ bơta tus bal bơh Bộ trưởng Ngoại giao ală lơgar: Campuchia, Myanmar, Lào mờ Thái Lan.

Đơs tàm pơrjum, ồng Phạm Bình Minh đơs sùm, nam 2020 là tơngkah kir sơnrai 20 nam lơh broă bal Mekong mờ dà dờng Hằng, tơngai nàng bơ\t bơtàu gùng dà broă lơh ai lơh broă bal Mekong mờ dà dờng Hằng sơlơ bơtàu tơnguh rlau tai. Ồng Phạm Bình Minh yal bàr pe broă lơh lài lơh broă bal tàm tơngai tus.

Tơn jơh pơrjum, ală bộ trưởng neh ring bal Jơnau yal bơr bal Pơrjum Bộ trưởng Mekong mờ dà dờng Hằng (MGC) dơ\ 10, Broă rơndăp lơh broă lơh broă bal Mekong mờ dà dờng Hằng tơngai bơh nam 2019- 2022, mờ dùl nùs bal geh bơyai lơh Pơrjum Bộ trưởng Ngoại giao Lơh broă bal Mekong mờ dà dờng Hằng dơ\ 11 tàm Việt Nam tàm nam 2020.

Cau mblàng Lơ Mu K’Yến