VOV4.K’ho- Drim òr 23/8 tàm thị xã Gia Nghĩa, Bộ Nông nghiệp mờ Phát triển nông thôn pơgồp bal mờ UBND càr Dak Nông bơyai lơh pơrjum “Bơtàu tơnguh tiêu kơ\ kơl jap di pal jơnau sồr bơh ală hiệp định kă bro khat gơboh dê”.

Tus bal pơrjum geh rlau 300 nă kuang bàng, tàm hơ\ geh kuang đơng lam bồ ală Bộ, gah sơnah lơh broă dà lơgar mờ ală tiah bal mờ kuang bàng ala mat bơh 20 càr tam tiêu tàm gùt lơgar. Tu\ do, gùt lơgar geh pơgap 150 rơbô lồ tiêu, geh tus 40% bè khà mờ mờr 60% bè bơnah tăc tiêu mờ lơgar ndai bơh dunia dê, lơh geh mờr 759 tơlak dolar Mỹ.

Lài do, khà priă tăc tiêu tàm lơgar geh tu\ gơguh tus 250 rơbô đông dùl ki\, tu\ do gơmù mìng gam pơgap 45 rơbô đông tàm dùl ki\ lơm. Mờ khà priă tăc do ală cau tam tiêu tàm gùt lơgar gam tìp uă ngan kal ke tài hoàc huơr, ờ tơl pràn tơm dồs ală bơnah priă neh càn nàng bơcri tam tiêu.

Pơrjum nàng kờ` sền wơl bơta geh ngan tàm gah tiêu lơgar he dê mờ cribơyai broă lơh tă bơsong kal ke bè broă lơh tàm broă lơh sa, drà kă bro mờ ai càn priă, pơgồp bơnah sơlơ tơnguh gah tam tiêu bơtàu tơnguh kơ\ kơl jap.  

Cau mblàng K’ Hạnh