VOV4.K’ho- Tàm Hà Nội, Bộ Lao động, Thương binh mờ Xã hội pơgồp bal mờ mpồl bơtàu tơnguh kơnòm dềt tơl làm (Arnec) bơyai lơh Pơrjum bơtàu tơnguh tơl làm kơnòm dềt tiah châu Á- Thái Bình Dương nam 2019 bal mờ tơngume “Sơlơ pơgồp bal đah ală gah nàng kờ` lơh geh tiah ròng siam sền gàr, niam ờdo ờdă mờ kơ\ kơl jăp ai kơnòm dềt in”.

Tus bal pơrjum geh kuang bàng ala mat bơh 35 dà lơgar mờ kơnhoàl ù tiah gơ wèt 5 châu dê, 44 mpồl dunia, ală cau mờng chài, ală cah jak. Đơs tàm pơrjum, ồng Vũ Đức Đam, Phó Thủ tướng Chính phủ hòi jà bơta lơh broă bal, tam pà bal bơta mờng chài ngai sơlơ niam rlau đah ală dà lơgar, ală mpồl bơtiàn, ală mpồl cau, ală cau jak nàng cèng wơl ai tơl nă kơnòm dềt in bal mờ sơnam rài gam kơnòm niam bơne\ ngan rlau jơh.

Ală hìu bơnhă, ală mè bèp pal lùp bơsram bơta gi\t wa\ jak chài, lời ai uă rlau tai tu\ jiơ mờ nùs nhơm nàng ròng siam sền gàr, bơto bơtê ală kòn he dê ngai sơlơ niam rlau. Ală bộ, gah, ală mpồl lơh broă bơtìan lơh broă pal geh kơnòl uă mờ ngui niam bơta pràn bơh he dê tàm pơgồp bal uă gah, uă broă lơh nàng lơh geh tiah sền gàr bềng bơta kờ` gơboh, tơl làm mờ rềp mềl ngan rlau jơh ai tơl nă kơnòm dềt in…

Cau mblàng Lơ Mu K’Yến