VOV4.K’ho – Ngai òr (24/9), Mpồl đơng lam rơndap broă lơh sơlơ bơto bơtê – mblàng yal adat boh lam tus mờ kuang bàng, làng bol tiah nhàr dà lơgar, bồt dà lềng tơngai bơh nam 2017 tus nam 2021 bơh Bộ Quốc phòng bơyai lơh pơrjum nàng ai geh mờng chài lam lơh rơndap broă lơh tàm tiah tàm gùl lơgar mờ Tây Nguyên nam 2019.

Ală càr tiah tàm gùl lơgar mờ Tây Nguyên (bơh Quảng Nam tus Bình Phước) là tiah ơm kis bơh 28 jơi bơtìan kòn cau dê, geh khà hìu bơnhă r[ah gam uă; ală bơta bè kòn cau, pin dờn jat yàng, bơhìan ntrờ` tiah kis khat gơboh, bau gờ`, bau mờ cau jơi nòi bal gam gơlik geh kal ke.

Mờ uă broă lơh bơceh pa mờ dipal mờ [òn lơgar; pơgồp bal đah mblàng yal, bơto bơtê mờ dong kờl, tam pà, jơnau git wă sền dờng màng adat boh lam tàm tiah lơh sa mpồl bơtìan, sền gàr lơngap lơngai, sền gàr dà lơgar tàm tiah tiah nhàr dà lơgar tàm tiah do dê neh tam gơl niam ngan, loh làng ngan rlau jơh là neh tơnguh priă lơh geh làng bol in, tơmù bơta bau gờ`, tơmù bơta ntrờ` tiah kis khat gơboh mờ tơmù hời rơ hời ală broă tam pìt tam phà ù tiah dờng.

Jat Mpồl đơng lam rơndap broă lơh, ală bơta ờ niam tàm broă lam lơh rơndap broă neh geh cih dờp, bơ tơl tàm jơnau yal nàng yal mờ kuang đơng lam bồ Bộ Quốc phòng, ai tơlik ală tơngume kuơmàng tus Chính phủ mờ ală Bộ, gah broă lơh geh gơ rềng nàng geh broă lơh bơto bơtê, mblàng yal adat boh lam geh cồng nha rlau tàm tiah nhàr dà lơgar, tiah bồt dà lềng.

Cau mblàng K’Duẩn