VOV4.K’ho – Drim 29/11, tàm [òn dờng Buôn Ma Thuột, càr Dak Lak geh mut pơrjum cau ala mat ală jơi bơtìan kòn cau càr Dak Lak dơ\ 3 nam 2019. Phó Chủ tịch Thường trực Quốc hội, mò Tòng Thị Phóng bal mờ mpồl kuang bàng ala mat kuang đơng lam bồ ală bộ, gah broă lơh dà lơgar, càr mờ 282 nă cau ala mat bơh càr dê neh tus bal pơrjum. Jơnau yal tàm pơrjum pà git, tơnơ\ 5 nam lam lơh jat geh cồng nha ală broă lơh bơtàu tơnguh lơh sa – mpồl bơtìan, tàm hơ\ geh ală broă lơh bơcri pria\, dong kờl tiah làng bol kòn cau, càr Dak Lak neh lơh geh ală cồng nha pal cih dờp ngan, ngan là tàm gah tơmù r[ah mờ bơt bơtàu [òn lơgar pa. Tus tu\ do, jơh ală xã neh geh gùng rơndeh dờng mut tus tàm tiah tờm; lơh niam wơl, lă mờ cài halà tuh bê tông ală gơl gùng lòt tàm càr geh 95%; jơh ală xã geh gùng che ồs đèng dà lơgar; càr bơcri lơh geh 233 rơndap broă mờ broă lơh ai tiah làng bol kòn cau in, mờ kờp jơh pria\ tă lơh rlau 950 tơmàn pria\.

Pơrjum neh cribơyai, ai jơnau đơs tàm jơnau yal chính trị bơh pơrjum dê, iat jơnau yal geh pơn rơ, jơnau cribơyai bơh ală mpồl bal, cau dùl nă să geh pơn rơ gơguh jak dê. Pơrjum neh ring bal sră pơyua jơh nùs jơh tồr, ring bal mat mờ tơlik mat Mpồl cau ala mat tus bal pơrjum cau ala mat ală jơi bơtìan kòn cau gùt lơgar dơ\ 2 nam 2020.

Cau mblàng K’Duẩn