VOV4.K’ho- Ngai do 30/12, tàm Hà Nội, sơnđờm mu\t pơrjum pờ tơn tàm internet đah Chính phủ mờ ală tiah nàng cribơyai uă broă dờng tàm nam 2020. Digơlan geh lơh tàm 1 ngai mờ nggùl, Pơrjum geh tơn jơh broă lơh sa- mpồl bơtiàn nam do mờ lam lơh jăt broă rơndăp lơh nam tus.

Pơrjum tơrgùm cribơyai 12 tơngume bè Jơnau yal broă lơh sa- mpồl bơtiàn nam 2019; Jơnau yal sền swì broă lơh đơng lam, ătbồ bơh Chính phủ dê nam 2019; Rcăng cih Nghị quyết bè ală kơnòl broă, gùng dà broă lơh đơng lam tờm ngan lơh niam wơl tiah bơcri priă kă bro, tơnguh uă pràn jak tàm pơrlòng dà lơgar nam 2020…

Tàm pơrjum, Chính phủ iăt kơno tơn ală jơnau đơs tă pơgồp nàng lơh gơs ală jơnau yal. Kuơmàng là 2 jơnau rcăng cih Nghị quyết 01 mờ 02 nàng Chính phủ in ai ngui mờ tơrgùm lơh jăt tơn bơh ngai sơnrờp bồ nam 2020 dê bal mờ bơta lơh ngan jơh nùs lam lơh jăt geh cồng nha tơl làm ală jơnau kờ`, mờ kơnòl broă Đảng, Quốc hội dê jàu ai nam 2020 mờ jơh gùt tu\ tơngai lơh broă bơh nam 2016- 2020 in.

Cau mblàng Lơ Mu K’Yến