VOV4.K’ho – Mho òr (09/7), tàm hìu lơh broă Chính phủ, Phó Thủ tướng Chính phủ, ồng Phạm Bình Minh, Chủ tịch Ủy ban Dà lơgar mpồl ASEAN nam 2020 neh đơng lam pơrjum dơ\ 3.

Tàm tu\ ờ hềt gam tus 5 nhai tai den Việt Nam geh ngan ngồn dờp gơnoar broă Chủ tịch ASEAN nam 2020, pơrjum dơ\ 3 bơh Ủy ban dà lơgar ASEAN dê geh uă kơnòl broă kuơ màng. Phó Thủ tướng Phạm Bình Minh, Chủ tịch Ủy ban dà lơgar ASEAN nam 2020 tơngkah, pal pơn jat tai jal mhar lam lơh ală kơnòl broă tàm tơngai tus, ngan là cribơyai, hòi jà ală lơgar bè tơngu me, broă lơh kuơ màng lài ngan bơh nam Chủ tịch ASEAN 2020 dê, tơngai rơcang lơh ală pơrjum dờng tàm nam 2020, ngan là pơrjum dờng màng ASEAN dơ\ 37 mờ ală pơrjum dờng màng mờ ală lơgar lơh broă bal.

Phó Thủ tướng kung sồr ală mpồl, Bộ, gah lơh broă mhar lơh gơs ală rơndap broă mùl màl, broă rơndap lơh jat, mờ kờp du\ dơ\ ngui kes priă dà lơgar ai ală broă lơh tàm nam Chủ tịch ASEAN 2020 in di mờ jơnau sồr mờ tơngai pơrgon.

Cau mblàng K’Duẩn