VOV4.K’ho – Jat jơnau yal bơh Văn phòng Quốc hội dê, pơrjum dơ\ 43 bơh Ủy ban Thường vụ Quốc hội rơcang geh lơh bơh ngai 23 tus ngai 25/3 do. Jat broă lơh, tàm pơrjum, Phó Thủ tướng Chính phủ, ồng Vũ Đức Đam geh yal bè broă lơh rơcang sơndră kòp Covid-19. Pơrjum dơ\ 43 do kung ờ huan geh ua\ kuang bàng tus bal pơrjum nàng rơcang sơndră kòp.

Jat kờp du\ broă lơh, tàm pơrjum dơ\ 43, Ủy ban Thường vụ Quốc hội ai jơnau đơs bè 2, 3 rơndap lơh Adat gam geh jơnau đơs krơi is: Adat bơcri pria\ (tam gơl), Adat Mpồl lơh sa kă bro (tam gơl), Adat tam gơl, bơ tơl 2, 3 bơta bơh Adat tơlik sră nggal pơlam lơh jat jơnau cih adat boh lam, Adat tam gơl, bơ tơl 2, 3 bơta bơh Adat bơt bơtàu, Adat bơcri pria\ dê jat broă lơh lơh broă bal đah dà lơgar mờ cau dùl nă să, is, Adat tam gơl, bơ tơl 2, 3 bơta bơh Adat rơcang sơndră trồ tiah lơh aniai mờ Adat bơ tơt kìng dà.

Ai jơnau đơs bè rơndap lơh Adat mpồl ling sền gàr tiah nhàr dà lơgar Việt Nam, Ủy ban Thường vụ Quốc hội kung ai jơnau đơs bè broă tam gơl khà ơpah pria\ jền nàng gàr niam broă lơh gơwèt mờ Tổng cục dia mờ Tổng cục Hải quan tơngai bơh nam 2016 tus nam 2020 mờ 2, 3 tơngume kuơmàng ndai.

Cau mblàng K’Duẩn