VOV4.K’ho – Drim òr 11/11, tàm Hà Nội, Mpồl đơng lam lơh niam wơl Tư pháp dà lơgar bơyai lơh pơrjum dơ\ 7. Tàm dơ\ pơrjum, ală kuang geh jơng tàm Mpồl đơng lam lơh niam wơl Tư pháp dà lơgar neh sền sơ wì, cribơyai, ai jơnau đơs bè 4 rơndap broă lơh bơh Đảng đoàn Liên đoàn cau cah rơ`a Việt Nam, Đảng đoàn mpồl cau chài adat boh lam Việt Nam mờ mpồl kuang bàng duh broă Đảng Anih cah rơ`a làng bol jơnhua ngan rlau jơh dà lơgar dê yal.

Ală rơndap broă lơh, tàm hơ\ geh: “Bơt bơtàu cơ chế bơtàu tơnguh mpồl cau cah rơ`a, tơnguh pràn jak, cồng nha lơh broă bơh cau cah rơ`a dê”; “Bơt bơtàu ală khà tư pháp”; “Tam gơl pa, sơlơ tơnguh bơyai broă mờ cribơyai broă tàm broă bơsong ală tam pìt tam phà broă mờ phan bơna làng bol, yal yă hành chính tàm Anih cah rơ`a làng bol” mờ rơndap broă lơh “Tam gơl pa, rơndap mpồl kuang bàng lơh broă bơh Anih cah rơ`a làng bol gàr niam bơta bal hia\, lơh broă geh cồng nha jat Nghị quyết dà lơgar 6 khóa 12 bơh Đảng dê”. Đơs pơn dut pơrjum, Phó Thủ tướng, ồng Trương Hòa Bình sồr mpồl kuang bàng duh broă Đảng Anih cah rơ`a làng bol jơnhua ngan rlau jơh cih dờp jơnau đơs bơh ală kuang geh jơng Mpồl đơng lam dê tàm dơ\ pơrjum nàng mhar lơh gơs rơndap broă lơh, yal kấp geh gơ noar in sền sơ wì ki\ ring bal.

Cau mblàng K’Duẩn