VOV4.K’ho- Pơrjum dờng Mpồl tam klac ơruh pơnu Việt Nam càr Dăk Lăk pa bơyai lơh Pơrjum dờng cau ala mat dơ\ 8. Tơngai lơh broă lài, broă đơng lam, lam lơh jăt broă lơh mờ ală dơ\ lam sồr bơh Mpồl tam klac ơruh pơnu Việt Nam càr Dăk Lăk dê geh uă bơta tam gơl pa, cồng nha srơh bơh kấp càr tus kấp hơđơm rơhời geh tơnguh uă.

Tơlik mat Ủy ban Mpồl tam klac ơruh pơnu Việt Nam càr Dăk Lăk khoá 8

Tàm hơ\, srơh “A` gơboh Dà lơgar a`”, pah nam gơhòi gơ jà rlau 16 rbô 500 nă ơruh pơnu tus bal, lơh geh uă bơta pơnrơ bal mờ ală broă lơh “gùng lòt lơh broă kờ` gơboh kòn bơnus”, “Lơh broă dong kờl is kàl mrềt”, “Kàl prang bồ sơnam pa lơh broă dong kờl is”, “Ngai dơ\ poh lơh broă dong kờl is”, “Ngai rlô Pơrhê”,….

Bal mờ jơnau đơs: “gơboh dà lơgar- bơceh pa- lơh broă dong kờl is- gơrờm bal- bơtàu tơnguh”, tơngai lơh broă pa bơh nam 2019- 2024, Mpồl Tam klac ơruh pơnu Việt Nam càr Dăk Lăk pơn jăt tai lơh pràn ală srơh “A` gơboh Dà lơgar a`”, broă lơh “Lòt bal mờ ơruh pơnu jòi broă lơh ròng is să tờm”, broă lơh “Bơ\t bơtàu Mpồl tam klac ơruh pơnu Việt Nam pràn kơldang kơ\ kơl jăp”.

Jàu priă sơnđờm mu\t lơh broă ai ơruh pơnu in

Jăt bi Y Lê Pas Tơr- Phó Bí thư Tỉnh đoàn, là cau pơn jăt tai geh pồ at gơnoar broă Kuang atbồ Mpồl Tam klac ơruh pơnu Việt Nam càr Dăk Lăk tơngai lơh broă bơh nam 2019- 2024, nàng lơh jăt niam ală jơnau kờ` neh sồr lơh, broă lơh jăt niam kơnòl broă bơh tơl nă kuang bàng dê mờ tơl nă ơruh pơnu dê geh pơn jăt tai lơh uă.

Bi Y Lê Pas Tơr, Phó Bí thư Tỉnh đoàn đơs: Pơn jăt tai lơh jăt nùs nhơm geh kơnòl bơh tơl nă kuang bàng cau tàm mpồl tam klac bal, tàm bơtòm tơrgùm làm uă geh jơh ală rơnàng ơruh pơnu mờ pal gi\t geh bơta kơlôi sơnơng, jơnau kơ\p kờ` dipal bơh cau ơruh pơnu tàm mpồl dê, den bơh hơ\ nàng lam lơh niam ală broă lơh, ală srơh nàng dipal mờ jơnau kờ` ngan rlau jơh bơh ơruh pơnu dê, dipal ngan mờ jơnau kờ` ngan ngồn tàm rài kis, mơkung lơh jăt niam kơrnoat pơrjum dờng Mpồl tam klac ơruh pơnu dơ\ 8 mơkung lơh jăt niam kơrnoat pơrjum dờng đảng bộ ală kấp tàm jơh gùt càr dê.

Ala mat Công ty Ồs đèng Dăk Lăk jàu priă dong kờl ai ală broă lơh sền gàr tơl niam rài kis mpồl bơtiàn in 

Chờ hờp lơh geh cồng nha bơh Pơrjum dờng dê, Mpồl tam klac ơruh pơnu Việt Nam càr Dăk Lăk neh jàu pà 4 bơnah priă sơnđờm mu\t lơh broă ai ơruh pơnu in, tơl bơnah kờp priă geh 80 tơlak; Công ty ồs đèng Dăk Lăk dong kờl 1 tơmàn mờ Viễn thông Dăk Lăk dong kờl 300 tơlak ai ală broă lơh sền gàr tơl niam rài kis mpồl bơtiàn bơh ơruh pơnu dê tàm tơngai lơh broă bơh nam 2019- 2024.

Cau mblàng Lơ Mu K’Yến