VOV4.K’ho- Tàm 2 ngai, 16 mờ 17/10, Mpồl Tam klac ơruh pơnu Việt Nam càr Kon Tum bơyai lơh Pơrjum dờng cau ala mat dơ\ 7 tơngai lơh broă bơh nam 2019- 2024. Tus bal Pơrjum dờng geh 240 nă kuang bàng ala mat ai rlau 98 rbô nă ơruh pơnu tàm gùt càr in.

Ủy viên Ban Chấp hành tơlik mat pơrjum dờng

Bal mờ nùs nhơm lam lài, lơh broă dong kờl is bơh rơnàng kơnòm să dê, tơngai lơh broă bơh nam 2014- 2019, Mpồl Tam klac ơruh pơnu Việt Nam càr Kon Tum neh lơh jăt nền nòn, lơh jăt ngan ngồn mờ geh cồng nha Kơrnoat Pơrjum dờng dơ\ 6.

Lơh jăt cồng nha neh lơh geh tàm tơngai lơh broă pa do, tơngai lơh kơnòl broă pa bơh nam 2019- 2024, Mpồl Tam klac ơruh pơnu Việt Nam càr Kon Tum pơn jăt tai lơh pràn ală srơh tàm pơrlòng, kuơmàng là broă bơsram mờ đòm jăt nùs nhơm, bồ tơngoh, rài kis mờ broă lơh jak Hồ Chí Minh dê; lam lơh jăt geh cồng nha Rơndăp broă lơh Sơlơ bơto bơtê nùs nhơm, bồ tơngoh, rài kis, bơto pơlam nùs nhơm bồ tơngoh kăc màng ai ơruh pơnu kơnòm pa tàu càr Kon Tum in tơngai bơh nam 2015- 2020.

Pơrjum dờng cau ala mat neh cribơyai mờ ring bal pồ 37 nă ủy viên Ban Chấp hành; pồ bi A Xay, Phó Bí thư Tỉnh Đoàn lơh Chủ tịch Mpồl tam klac ơruh pơnu Việt Nam càr Kon Tum khoá 7; pồ 9 nă kuang bàng ala mat ngan ngồn mờ 1 nă kuang bàng ala mat rcăng lài lòt Pơrjum dờng cau ala mat gùt lơgar Mpồl tam klac ơruh pơnu Việt Nam dơ\ 8, tơngai lơh broă bơh nam 2019- 2024.

Cau mblàng Lơ Mu K’Yến