VOV4.K’ho- Pơrjum dờng cau ala mat gùt lơgar Mặt trận dà lơgar Việt Nam dơ\ 9, tơngai lơh broă bơh nam 2019- 2024, jơnau chính trị kuơmàng bơh gùt lơgar dê neh ngan ngồn geh lơh tàm càr lơgar Hà Nội tàm pe ngai, bơh ngai 18-20/9.

Mờ tơngume bơh Pơrjum dờng dê là “Tam klac- Làng bol lơh tờm- Tam gơl pa- Bơtàu tơnguh”, tơngo\ loh làng gơnoar broă hòi jà bơta pràn tam klac bal jơh gùt jơi bơtiàn nàng mu\t lơh geh kơnòl broă bơtàu tơnguh lơh sa- mpồl bơtiàn, gàr niam dà lơgar- bơta lơngăp lơngai mờ bơ\t bơtàu ală anih lơh broă chính trị dà lơgar in.

Pơrjum dờng neh đơs, tàm tơngai lơh broă pa, ală anih lơh broă mặt trận pal sùm tam klac bal, tam gơl pa, lơh jat niam nùs nhơm làng bol lơh tờm tàm mpồl bơtiàn lơh geh bơta ndrờm bal tàm mpồl bơtiàn nàng bơtàu tơnguh dà lơgar mhar mờ kơ\ kơl jăp jo\ jòng.

Bal mờ bơta tus bal pơrjum bơh 1.300 nă cau ala mat dê, tàm hơ\ geh 999 nă cau ala mat ngan ngồn, Pơrjum dờng cau ala mat gùt lơgar Mặt trận dà lơgar Việt Nam dơ\ 9, tơngai lơh broă bơh nam 2019- 2024 đơs loh, kơnòl broă sền swì tơl làm broă lơh, cồng nha lơh jat Kơrnoat Pơrjum dờng cau ala mat gùt lơgar Mặt trận dà lơgar Việt Nam dơ\ 8, tơngai lơh broă bơh nam 2014- 2019, ai geh ală jơnau bơsram bơh bơta geh ngan jrô ơnàng, tơlik ală gùng dà broă lơh lơh broă geh kuơ ngan tàm tơngai lơh broă pa.

Là cau ala mat tus bal Pơrjum dờng dơ\ do, ồng Nguyễn Tiếc Hùng, Kuang atbồ Ủy ban Mặt trận dà lơgar Việt Nam càr An Giang đơs nền, Pơrjum dờng geh bơtòm tơrgùm ală mpồl cau gơgơs là mpồl tam klac dờng jơh gùt jơi bơtiàn. Bơh tu\ hơ\ nàng kơlôi rcăng rài kis ai làng bol in, bơtàu tơnguh lơh sa- mpồl bơtiàn, gàr kơ\ kơl jăp dà lơgar, bơta lơngăp lơngai, pơgồp bơnah bơ\t bơtàu Đảng, bơ\t bơtàu gơnoar atbồ sàng goh pràn kơldang kơ\ kơl jăp.

Ồng đơs bè do: Broă sền gròi ngan rlau jơh là broă mblàng yal broă hòi jà, mblàng yal ală rơnàng làng bol in, ală bơnah cau in nàng kờ` gi\t wa\ geh bè gùng dà, broă lơh Đảng dê, ală cau Việt Nam ơm kis tàm lơgar ndai in nàng khi wa\ wờng mờ gi\t geh tus bal jơh nùs tàm bơta tă pơgồp bơh làng bol tàm lơgar mờ lơgar ndai dê nàng kờ` pơn jat tai bơ\t bơtàu mờ bơtàu tơnguh dà lơgar ngai sơlơ niam rlau.

                          Jơh gùt anih pơrjum dờng bơh ngai sơnrờp pơrjum

Tus bal Pơrjum dờng dơ\ do, ală cau ala mat kơ\p kờ` Đảng mờ Dà lơgar, Mặt trận dà lơgar ală kấp sền gròi rlau tai tus mờ làng bol, kuơmàng là tiah sar lơgar ngài, tiah kal ke uă ir; sền gròi tus thôn [òn tàm broă lơh ală hìu niam chài, hìu tam klac dờng niam bơne\, dờng rơđãi ngan.

Ồng K’Bê, cau Mạ, ơm tàm càr Lâm Đồng geh jơnau đơs tơnggo\ bơta pin dờn, ală cau ala mat geh ai tus bal Pơrjum dơ\ do jơh ală ndrờm là cau geh bồ tơngoh gi\t wa\, broă lơh jak, jơh nùs jơh tồr mờ mặt trận geh bal mờ gơ\p tă pơgồp jơnau đơs nàng kờ` bơ\t bơtàu Mpồl tam klac dờng jơh gùt jơi bơtiàn kơ\ kơl jăp rlau, pơgồp bơnah tàm broă lơh bơtàu tơnguh bơh dà lơgar dê.

Ồng K’Bê đơs: Ală jơi bơtiàn, ală tiah tàm Tây Nguyên đơs is mờ làng bol ală jơi bơtiàn tàm gùt lơgar đơs bal lơh jăt Mpồl tam klac dờng jơh gùt jơi bơtiàn gơ in niam, jat jơnau sồr bơh Kơrnoat sồ 7, bơ\t bơtàu kuang bàng kòn cau tàm ală [òn lơgar, ală tiah kơh bơnơm nàng bol he in kis gơrờm bal mờ gơ\p, tam klac bal.

Ală cau lơh broă mặt trận tàm tơngai lơh broă do pal lơh ai Mpồl tam klac dờng jơh gùt jơi bơtiàn in gơ niam rlau. Kơ\p gơn, mpồl cau geh bồ tơngoh jak là cau kòn cau geh tus bal lơh broă tàm Ủy ban Mặt trận dà lơgar Việt Nam geh uă rlau.

Ờ huan ngan geh dùl dơ\ Pơrjum dờng lơi mờ geh wơl bơnah cau ala mat li la bè Pơrjum dờng bơh Mặt trận dà lơgar Việt Nam dê. Pơrjum dờng là rùp să tơrgùm dềt bơh mpồl tam klac dờng jơh gùt jơi bơtiàn bal mờ rùp să bơh ală jơi bơtiàn, bơh ală yàng, ala mat bơh ală rơnàng cau công nhân, cau lơh broă sa, cau geh bồ tơngoh jak, cau Việt Nam ơm tàm lơgar mờ bơdìh lơgar…

Ồng Trần Bá Phúc, Kuang atbồ Mpồl cau lơh sa kă bro Việt Nam tàm lơgar Australia pà gi\t, ală nam rềp ndo, broă lơh bơh Mặt trận dà lơgar dê geh uă bơta gơ tam gơl bal mờ uă srơh, dơ\ hòi jà, ală broă lơh gròi sền, tă pơgồp wơl jơnau đơs bơh mpồl bơtiàn dê. Ồng Trần Bá Phúc kơ\p kờ` Mặt trận pơn jat tai lơh jat niam gơnoar broă hòi jà lơh broă mờ lơgar ndai bal mờ dunia nàng dong kờl Việt Nam tàm broă bơ\t bơtàu mờ sền gàr gơnoar tờm ù tiah dà lơgar.

Ồng Trần Bá Phúc đơs bè do: A` kơ\p kờ` Mặt trận dà lơgar Việt Nam geh lơh gơnoar broă kuơmàng ngan nàng pơgồp bal ai mpồl bơtiàn cau Việt Nam ơm tàm lơgar ndai in tàm broă lơh tìp mat boh bơr mờ cau Việt Nam ơm kis tàm lơgar ndai. Ờ go\ di mìng hòi jà cau Việt Nam ơm tàm lơgar ndai mìng tă pơgồp bơ\t bơtàu dà lơgar lơm mờ pal hòi jà mờ sền cau Việt Nam tàm lơgar ndai là dùl mpồl cau tă pơgồp ờ dùl êt nàng bal mờ làng bol Việt Nam tàm broă lơh sền gàr Dà lơgar, sền gàr gơnoar tờm ù tiah [òn lơgar Dà lơgar dê.

Mpồl cau ala mat Ủy ban mặt trận dà lơgar Việt Nam càr Dăk Lăk tus bal pơrjum dờng cau ala mat gùt lơgar mặt trận dà lơgar Việt nam dơ\ 9

Đơs nền, Mặt trận là hìu ơm bal bơh ală yàng, ală jơi bơtiàn Việt Nam dê, Hoà thượng Thích Thanh Nhiễu, Phó Kuang atbồ duh broă sùm Mpồl duh broă Yàng Phờk dà lơgar Việt Nam đơs bè do: Kơnòl broă bơh Mặt trận dà lơgar Việt Nam dê là dờng ngan gi\t lơh tàm broă bơtòm tơrgùm bơta pràn bơh mpồl tam klac dờng jơh gùt jơi bơtiàn dê. Ngan tài bơh bơta hơ\ mờ kòn sau ală yàng tus bal lơh broă Mặt trận ndrờm chờ hờp chờ hờ` lơm tài bơh sền go\ he geh sền dờng màng. Jơh ală Yàng, ală jơi bơtiàn ndrờm kơ\p kờ` mpồl tam klac dờng pràn kơldang kơ\ kơl jăp rlau.

Hoà thượng Thích Thanh Nhiễu đơs: Bol a` kơ\p kờ` là ală gùng dà broă lơh bơh Đảng, Dà lơgar lơh bè lơi nàng gơ in dipal mờ ală mpồl duh broă yàng kung bè ală mpồl gơ wèt bal bơh Mặt trận dà lơgar dê nàng ală yàng, ală mpồl gơ wèt bal bơh Mặt trận dê lơh broă [ươn rlau mờ niam rlau.

Đơs là jơnau kờ` jal mhar ngan tu\ do là pal lơh jat niam làng bol lơh tờm mờ bơtòm tơrgùm tam klac bal nàng gròi sền jơnau đơs tă pơgồp wơl bơh mpồl bơtiàn dê, ồng Vũ Trọng Kim, Ủy viên Mpồl Chủ tịch Ủy ban Mặt trận dà lơgar Việt Nam, Chủ tịch Mpồl Ơruh pơnu lam lài lài do Việt Nam dê sồr pal lơh uă gùng dà broă lơh bơtòm tơrgùm ală rơnàng làng bol, dà lơgar pas sơm pràn kơldang.

Ồng Vũ Trọng Kim đơs bè do: Pas sơm là bè lơh sa mờ rài kis làng bol geh bơtàu tơnguh geh tam gơl pa. Hơ\ là bơtòm tơrgùm tam klac bal bè lơi nàng gơ in pas sơm pràn kơldang. Dơ\ 2 kuơmàng là pal lơh jat niam làng bol lơh tờm nàng jơh tơl nă cau tă pơgồp tàm kơnòl broă bơ\t bơtàu mờ sền gàr Dà lơgar. Kơnòl broă sền gàr Dà lơgar kung là kơnòl broă kuơmàng tàm tơngai tus.

Bol he pal sền gàr tơl làm ù tiah dà lơgar kờ` gơboh he dê mờ ală rơnàng mò pang he lài do neh roh uă ngan puăc să, mhàm ntìng, phi să ngan, tă pơgồp ngan nàng bol he in geh dờp ngai do, den kơnòl broă pal lơh niam tus bal bơ\t bơtàu Đảng, bơ\t bơtàu Dà lơgar gơnoar kơrnoat boh lam dà lơgar mpồl bơtiàn ring bal làng bol lơh tờm Việt Nam, bơta do tơnggo\ gơnoar broă làng bol lơh tờm.

Bí thư Đảng dà lơgar, Chủ tịch Ủy ban Mặt trận dà lơgar Việt Nam ồng Trần Thanh Mẫn đơs sùm: Tơngume bơh Pơrjum dờng cau ala mat gùt lơgar Mặt trận dà lơgar Việt Nam dơ\ 9 neh đơs loh gơnoar broă kung bè kơnòl broă bơh Mặt trận dê tàm rài pa. Ồng Trần Thanh Mẫn đơs bè do: Bal mờ tơngume do hòi jà bơta pràn tam klac bal jơh gùt jơi bơtiàn nàng lơh gơtùi kơnòl broă bơtàu tơnguh lơh sa- mpồl bơtiàn, gàr dà lơgar mờ bơta lơngăp lơngai, bơ\t bơtàu ală anih lơh broă chính trị.

Ală anih lơh broă mặt trận pal sùm tam klac bal, tam gơl pa, lơh jat làng bol lơh tờm tàm mpồl bơtiàn lơh geh bơta ndrờm bal tàm mpồl bơtiàn nàng bơtàu tơnguh dà lơgar mhar mờ kơ\ kơl jăp jo\ jòng. Bal mờ tơngume do, bol a` kơ\p gơn là jơnau pơyua nàng jơh ală anih lơh broă tus lơh bal, bal mờ bơta đơng lam bơh Đảng dê, pơgồp bal mờ Dà lơgar, mặt trận ală kấp mờ ală mpồl gơ wèt bal geh lơh gơs kơnòl broă chính trị bơh he dê tàm 5 nam tus.

    Chủ tịch Ủy ban Mặt trận dà lơgar Việt Nam ồng Trần Thanh Mẫn đơs sơnđờm mu\t pơrjum dờng

Pơrjum dờng cau ala mat gùt lơgar Mặt trận dà lơgar lơh geh cồng nha, ai bol he in bơta gơn kơnờm mpồl lơh broă mặt trận pơn jat tai lơh niam rlau tai gơnoar broă bơtòm tơrgùm jơh ală rơnàng làng bol, tơnguh tai bơta pràn dờng màng ngan bơh mpồl tam klac dờng jơh gùt jơi bơtiàn dê; là bơta gơn kơnờm pràn kơldang ngan nàng lam dà lơgar he sơrlèt gan jơh ală bơta kal ke, kơ\ kơl jăp cơnđoà jơng lòt tàm gùng lòt bơ\t bơtàu mờ bơtàu tơnguh!

Cau mblàng Lơ Mu K’Yến