VOV4.K’ho – Drim òr (09/10), tàm xã tiah nhàr dà lơgar Krông Nô, kơnhòal Buôn Đôn, càr Dak Lak, Mpồl tam klac cau ùr càr Dak Lak pơ gồp bal mờ Sở lơh broă cau ùr càr Mondulkiri, lơgar Campuchia bơyai lơh pơrjum gơnoar broă bơh cau ùr dê tàm broă sền gàr tiah nhàr dà lơgar ring lơngai, kơ\ kơljap. Càr Dak Lak, lơgar Việt Nam mờ càr Mondulkiri, lơgar Campuchia geh gùng nhàr dà lơgar bal jòng 73 kơi sồ. Mpồl cau ùr bơh 2 càr Dak Lak mờ Mondulkiri dê neh ki\ lơh jat sră cih jơnau ring bal lơh broă bal “Tài ring lơngai mờ bơtàu tơnguh”.

                                            Gùt anih pơrjum

Tơnơ\ 2 nam ki\, 2 gah neh lam lơh uă broă lơh bè pơ gồp bal tàm broă rơcang sơndră dô pồn gan tiah nhàr dà lơgar tìs mờ adat boh lam; pơgồp bal mờ ală pôs ling sền gàr tiah nhàr dà lơgar mờ ală mpồl lơh broă geh gơnoar, lam lơh ală broă lơh bơto sră, sền gàr pràn kơldang să jan ai cau ùr mờ kơ nòm dềt in; pơgồp bal rơcang sơndră cau tìs, ngan là cau tìs bè ma túy, kă bro cau ùr, kơ nòm dềt… Tàm pơrjum, 2 gah neh tam pà bal, cribơyai 2, 3 broă lơh bè: Mblàng yal nàng cau ùr lơh jat adat boh lam mờ kơrnuat pal jat tiah nhàr dà lơgar; broă lơh cribơyai mờ lơgar ndai làng bol gơwèt mờ ală mpồl lơh broă chính trị - mpồl bơtìan; broă lơh pơgồp bal dong kờl cau ùr tiah nhàr dà lơgar; gơnoar bơh cau ùr dê tàm broă sền gàr tiah nhàr dà lơgar ring lơngai mờ kơ\ kơljap.

Cau mblàng K’Duẩn