VOV4.K’ho – Drim ngai 24/12, Bộ Tư pháp bơyai lơh Pơrjum pờ tơlik tơn tàm internet gùt lơgar lam lơh jat broă lơh Tư pháp nam 2020. Phó Thủ tướng Thường trực Chính phủ, ồng Trương Hòa Bình neh đơng lam pơrjum. Nam 2019, broă lơh đơng lam, pơlam bơh Bộ, gah Tư pháp dê pơn jat tai tam gơl pa jat di mờ jơnau đơs bơh Chính phủ dê “lơh jat kơrnuat, song dơpă, lơh broă, bơceh pa, bơtàu tơnguh, geh cồng nha”.

Bộ, gah Tư pháp cribơyai mờ Đảng, Quốc hội, Chính phủ pơn jat tai tam gơl gơs thể chế ală gùng dà, broă lơh bơh Đảng; tơn jơh, sền wơl ua\ nghị quyết, sră nggal kuơmàng; bơt bơtàu ală cơng tàng geh ngan nàng Đảng, dà lơgar ai tơlik gùng dà, broă lơh adat boh lam tàm tơngai pa. Phó Thủ tướng Trương Hòa Bình sồr, nam 2020, gah Tư pháp pơn jat tai lơh niam rlau gơnoar broă tàm broă tam gơl gơs thể chế ală gùng dà, broă lơh bơh Đảng gơ gơs jơnau cih adat boh lam nàng drơng jơnau kờ` bơt bơtàu dà lơgar gơnoar adat boh lam xã hội chủ nghĩa, atbồ tơl gah lơh sa mờ adat boh lam.

Cau mblàng K’Duẩn