VOV4.K’ho- Ngai 6/11, Học viện Ngoại giao Việt Nam pơgồp bal mờ Kes priă dong kờl kơlôi sơnơng Dà lềng đah măt tơngai lik mờ Mpồl cau cah r`a Việt Nam bơyai lơh Pơrjum jak chài dunia bal mờ tơngume “Dà lềng đah mat tơngai lik: lơh broă bal tài bơta ring lơngai mờ bơtàu tơnguh tàm tiah do” dơ\ 11.

Tàm 2 ngai geh bơyai lơh pơrjum, ală kuang bàng cribơyai bè broă lơh broă bal dà lềng mờ ală bơta gơlik geh tàm ală dà lềng ndai, ờ go\ di mìng is dà lềng mat tơngai lik lơm mờ gam geh bal dà lềng Hoa Đông, Ấn Độ Dương, Thái Bình Dương sơl. Ală dơ\ cribơyai geh rơndăp lơh jăt gùng dà geh ngan ngồn rlau, hòi jà bơta lơh bal uă rlau bơh kuang bàng rơndăp gùng dà broă lơh mờ lơh jăt gùng dà broă lơh dê.

Kuang bàng Chính phủ ală lơgar geh tu\ tơngai geh yal tơngi\t bal bè bơta mờng chài geh ngan, mơkung iăt kơno tơn ală jơnau kơlôi sơnơng mờ jơnau bơceh lơh bơh ală cau jak dê. Bơta tờm kuơmàng ngan là Pơrjum nam do geh lơh tàm nùs nhơm tơngkah kir sơnrai 25 nam Công ước Liên hợp quốc bè Adat Dà lềng nam 1982 geh ai ngui mờ 25 nam Việt Nam ki\ Công ước.

Cau mblàng Lơ Mu K’Yến